پیارے پیارےاسلامی بھائیو!حُصُولِ ثواب کی خاطِر بَیان سُننےسے پہلےاَچّھی اَچّھی نیّتیں کر لیتے ہیں۔فَرمانِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘مُسَلمان کی نِیَّت اُس کےعمل سے بہتر ہے۔(معجم کبیر، سہل بن سعد الساعدی   الخ،  ۶ /  ۱۸۵ ، حدیث:۵۹۴۲)

 مَدَنی پھول :بیان میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

نگاہیں نیچی کیےخُوب کان لگاکر بیان سُنُوں گا٭ٹیک لگا کر بیٹھنےکے بجائےعِلمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرک کر دوسرے کےلئےجگہ کُشادہ کروں گا ٭دھکّاوغیرہ لگاتوصبرکروں گا، گُھورنے،جِھڑکنےاور اُلجھنےسےبچوں گا٭صَلُّوْا عَلَی الْحَبِیْبِ، اُذْکُرُوا اللّٰـہَ، تُوبُوْا اِلَی اللّٰـہِ وغیرہ سُن  کر ثواب کمانےاورصدا لگانے والوں کی دل جُوئی کےلئے بُلند آواز سے جواب دوں گا ٭اجتماع کے بعد خُود آگےبڑھ کر سَلَام و مُصَافَحَہ اور اِنْفِرادی کوشش کروں گا۔

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

       پیارے پیارے اسلامی بھائیو!اِنْ شَآءَ اللہآج کے ہفتہ وار سُنّتوں بھرے اجتماع میں ہم”بچوں پر شفقتِ مصطفٰے“ کے بارے میں ایمان افروز واقعات سُنیں گے۔ اللہ کے پیارے رسول، بی بی آمنہ کے مہکتے پھول صَلَّی اللّٰہُ عَلَیْہِ واٰلِہٖ وَسَلَّمَ بچوں سے کیسی الفت اور شفقت کا برتاؤ فرماتے تھے، اس بارے میں کچھ سُنیں گے۔ہم یہ بھی سُنیں گے کہ  بچوں سے کس طرح کا برتاؤ کرنا چاہیے۔ بچوں کی مدنی تربیت میں کن باتوں کا خیال رکھنا ضروری ہوتاہے،یہ بھی سُنیں گے۔ اے کاش! کہ سارا بیان اچھی اچھی نیّتوں کے ساتھ سننے کی سعادت نصیب ہو جائے۔اٰمین