اور رفاقت کی عظیم الشان سعادت ملی۔ ٭یہ وہ لوگ ہیں جنہوں نے وحی کے انوار اپنی آنکھوں سے دیکھے۔ ٭یہ وہ لوگ ہیں جن کی تربیت (Training) خود خلقِ عظیم کے پیکر، تمام نبیوں کے سَروَر صَلَّی اللّٰہُ عَلَیْہِ واٰلِہٖ وَسَلَّمَ نے خود فرمائی۔ ٭یہ وہ لوگ ہیں ہیں جنہوں نے آقا کریم صَلَّی اللّٰہُ عَلَیْہِ واٰلِہٖ وَسَلَّمَ کے  معمولات کو اپنی آنکھوں سے دیکھا۔ ٭یہ وہ لوگ ہیں جنہوں نے رَسُولُاللہصَلَّی اللّٰہُ عَلَیْہِ واٰلِہٖ وَسَلَّمَ کے معجزات کو دیکھا، ٭یہ وہ لوگ ہیں جنہوں نے تن، من دھن سمیت ہر شے راہِ خدا میں قربان کر دی۔ ٭یہ وہ لوگ ہیں جنہوں نے اپنے خونِ جگر سے شجرِ اسلام کی آبیاری کی۔ ٭یہ وہ لوگ ہیں جنہوں نے تبلیغِ دین کے لیے ہر طرح کی مشقتیں برداشت کیں۔ اَلْغَرَض! ٭یہ وہ لوگ ہیں جن کی قربانیوں کا صلہ ہے کہ آج اسلام کا پرچم ہر طرف لہرا رہا ہے۔ لہٰذا!ان کی تعظیم و توقیر ہر مسلمان پر لازم ہے،  ان کا ذکر ادب اور محبت سے کرنا ہر مسلمان پر ضروری ہے۔ خود رَسُولُاللہ صَلَّی اللّٰہُ عَلَیْہِ واٰلِہٖ وَسَلَّمَ نے ان کے بارے میں وصیتیں اور نصیحتیں فرمائیں۔ آئیے! اسی مُتَعلِّق فرمانِ مصطفےٰ سنتی ہیں:

       فرمایا: اَللہَ اَللہَ فِیْ اَصْحَابِیْ میرے اصحاب کے حق میں خدا سے ڈرو! خدا کا خوف کرو! لَا تَتَّخِذُوْھُمْ غَرَضًا بَعْدِی انہیں میرے بعد نشانہ نہ بناؤ! فَمَنْ اَحَبَّھُمْ فَبِحُبِّیْ اَحَبَّھُمْ جس نے انہیں محبوب رکھا میری محبت کی وجہ سے محبوب رکھا۔ وَمَنْ اَبْغَضَھُمْ فَبِبُغْضِیْ اَبْغَضَھُمْ اور جس نے ان سے بغض کیا وہ مجھ سے بغض رکھتا ہے اس لئے اس نے ان سے بغض رکھا۔ وَمَنْ اٰذَا ھُمْ فَقَدْ اٰذَانِیْ جس نے انہیں ایذا دی اس نے مجھے ایذا دی۔  وَمَنْ اٰذَانِیْ فَقَدْ اَذَی اللہَ جس نے مجھے ایذا دی اس نے بیشک اللہ پاک  کو ایذا دی۔ وَمَنْ اٰذَی اللہَ یُوْشِکُ اَنْ یَّأْخُذَہ جس نے اللہ پاک کو ایذا دی قریب ہے کہ اللہ  پاک  اُسےگرفتار کرے۔(ترمذی،کتاب المناقب، باب فی من سب اصحاب النبی، ۵/۴۶۳، حدیث:۳۸۸۸)

اَہلِ سُنَّت کا ہے بیڑا پار اَصْحاب ِ حُضُور