Book Name:Zindgi Ka Maqsad

 

پيارا پيارا اسلامي ڀائرو! ثواب حاصل ڪرڻ خاطر بيان ٻڌڻ کان پهريان سٺيون سٺيون نِيّتون ڪري وٺون ٿا. فرمانِ مصطفيٰ صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ:  نِيَّةُ الۡمُؤۡمِنِ خَيۡرٌ مِّنۡ عَمَلِهٖ  يعني مسلمان جي نِيّت ان جي عمل کان بهتر آهي.(المعجم الڪبير،سهل بن الساعدي...الخ ج 6، ص 185، الحديث: 5942) 

ٻه مدني گُل:  (1) بغير سٺي نيّت جي ڪنهن به نيڪ عمل جو ثواب ناهي ملندو.

      (2) جيتريون سٺيون نِيّتون وڌيڪ، اوترو ثواب به وڌيڪ.

بيان ٻڌڻ جون نِيَّتون

٭ نگاهون جھڪائي پوري توجھ سان بيان ٻڌندس ٭ ٽيڪ لڳائي ويهڻ بدران علمِ دين جي تعظيم خاطر جيترو ٿي سگهيو ٻئي گوڏا وڇائي ويهندس ٭ ضرورت پوڻ تي ٻين جي لاءِ سِرڪي جاءِ ڪشاده ڪندس ٭ ڌِڪو وغيره لڳو ته صبر ڪندس، گھوري ڏسڻ ۽ اَٽڪڻ کان بچندس ٭ صَـلُّـوا عَلَي الحَبِيـب! اُذکُرُالله , تُوبُوا اِلَـي الله! وغيره ٻڌي ثواب ڪمائڻ ۽ صدا لڳائڻ وارن جي دِل جوئي جي لاءِ بلند آواز سان جواب ڏيندس ٭ بيان کان پوءِ پاڻ اڳتي وڌي سلام، مصافحو ۽ انفرادي ڪوشش ڪندس۔

صَلُّوْا عَلَي الْحَبِيب!                                                                                      صَلَّي اللّٰه تَعَالٰي عَلٰي مُحَمَّد

   پيارا پيارا اسلامي ڀائرو! زندگي الله پاڪ جي تمام وڏي نعمت آهي، هر نعمت جو ڪو نه ڪو استعمال (Use) هوندو آهي، هن زندگي جو به ڪجھ نه ڪجھ استعمال (مقصد) ضرور آهي۔ تنهنڪري جيڪو شَخص پنهنجي اڳيان هڪ خاص مقصد رکي زندگي گذاريندو آهي ته هو ان مقصد ۾ ڪڏهن نه ڪڏهن ڪامياب ٿي ئي ويندو آهي، ۽ جيڪڏهن ڪنهن سبب ان مقصد ۾ ڪاميابي نه به ملي ته مقصد کي ماڻڻ جي جدو جهد مقصد جي ويجھو ضرور ڪندي آهي۔ اڄ اسان جي بيان جو موضوع آهي ”زندگي جو مقصد“ اسان جي زندگي جو مقصد ڇا آهي؟ اهو اڄ اسان ٻڌنداسين۔ اسان هن مقصد کي ماڻڻ جي لاءِ ڇا ڪجھ عمل ڪري رهيا