ہم کو بِد کر وہی کرنا جس سے                                       دوست بیزار ہے کیا ہونا ہے

چھپ کے لوگوں سے کئے جس کے گناہ                       وہ خبردار ہے کیا ہونا ہے

ارے او مجرمِ بے پروا دیکھ                                         سر پہ تلوار ہے کیا ہونا ہے

کام زِنْداں کے کئے اور ہمیں                                       شوقِ گلزار ہے کیا ہونا ہے

بیچ میں آگ کا دریا حائل                                            قصد اس پار ہے کیا ہونا ہے

واں نہیں بات بنانے کی مجال                                      چارہ اقرار ہے کیا ہونا ہے

(حدائقِ بخشش،ص۱۶۶ تا ۱۶۹)

آیئے! ان اشعار کی مختصر وضاحت ملاحظہ فرمایئے:

       (1)دنیا کا سفرکانٹوں یعنی غفلتوں،مال و اولاد کی آزمائش وغیرہ  سے بھرا ہوا ہےاور اس پر مزید مصیبت یہ ہے کہ پاؤں بھی زخمی ہیں ،قدم قدم پر رکاوٹیں ہیں، خدا خیر کرے نہ معلوم یہ سفر کیسے طے ہوگا۔(2)ہم تو جان بوجھ کر وہی کام کرتے ہیں جن سے اللہ پاک اور اس کے رسول صَلَّی اللہ عَلَیْہِ وَاٰلِہٖ وَسَلَّم  نے منع فرمایا ہےتو ہمارا کیا حال ہوگااورہم نجات کیسے پائیں گے؟(3) یعنی ہم نےتو اپنے خیال کے مطابق بڑی احتیاط سے چھپ چھپ کر گناہ کئےحالانکہ ہم  یہ بھی جانتے تھے  کہ اللہ پاک ہمارے ہر چھپے ،ظاہر کو جانتا ہے مگر لوگوں کا ڈر تھا خدا کا ڈر نہ تھا۔(4)ارے او مجرم!تُو کیسانادان ہے دیکھتا کیوں نہیں تیرے سر پر ہر وقت موت کی تلوار لٹک رہی ہےاور تجھے کوئی پروا ہی نہیں ہے، اب تجھے معلوم ہوگیا ہوگاکہ ایسے مجرم کے ساتھ کیا ہوگا۔(5)ہماری سوچ بھی کیسی بچگانہ ہےکہ کام تو ایسے کرتے ہیں کہ قید خانے میں ڈال دیے جائیں اور امیدیں جنت کے باغوں میں جانے کی باندھ رکھی ہیں ا ن حالات  میں ہمارے ساتھ کیا ہونا ہے، خدا ہمارے ساتھ ہمارے اعمال کے مطابق معاملہ کرنے