Book Name:Muashry Ki Islaah
کےنبیِ کریم، رسولِ عظیم صَلَّی اللّٰہُ عَلَیْہِ واٰلِہٖ وَسَلَّمَ کی مہربانی سے بے وَقْعَت پتھر بھی”اَنْمول ہیرا“ بن کر خُوب جگمگاتا ہے۔(پردے کے بارے میں سُوال جواب،ص۱۰۹) اگر ہم بھی جُھوٹ، غیبت، چُغلی، فلمیں ڈِرامے دیکھنےدکھانے، گانے باجے سُننے، سُنانے جیسی بُری عادتوں سے پیچھا چُھڑانا چاہتےہیں تو ہاتھوں ہاتھ اس مَدَنی ماحول سے وابستہ ہو کرعملی طورپر دعوتِ اسلامی کے مدنی کاموں میں شرکت کی سعادت حاصل کرتے رہیں،عاشقانِ رسول کے مَدَنی قافلوں میں سُنَّتوں کی تَرْبِیَت کیلئے راہِ خدا میں سفر اِخْتِیار کریں ، کامیاب زِندگی گُزارنے اوراپنی آخِرت سنوارنے کیلئے روزانہ فکرِ مدینہ کرتے ہوئے مَدَنی انعامات کےرِسالےمیں دِیے گئے خانے پُر کرکے اپنے ذِمہ دارکو ہر مَدَنی ماہ کی پہلی تاریخ کوہی جَمْع کروانے کامعمول بنا لیں۔ ہفتہ وارسُنَّتوں بھرےاجتِماع ،ہفتہ واراجتماعی طورپر دیکھے جانےوالے ”مدنی مذاکرے“میں خود بھی شرکت اوردُوسروں تک بھی اس کی دعوت پہنچاتے رہیں۔ اگراِن مدنی کاموں میں مُستقل مزاجی کےساتھ شرکت اوردعوتِ اسلامی کےمدنی ماحول میں اِستقامت نصیب ہو گئی تواللہ پاک اور اس کے پیارے حبیب، حبیبِ لبیب صَلَّی اللّٰہُ عَلَیْہِ واٰلِہٖ وَسَلَّمَکی محبت مزید پیدا ہو گی،پیارے صحابہ و اولیاء کا مُبارک فیضان جاری و ساری ہو جائے گا،گناہوں سے دِل بیزار ہوگااور فِکْرِ آخِرت کے ساتھ سُنَّتوں کے مُطابِق زِندگی بَسَر کرنے کا بھی ذِہْن بنے گا۔اِنْ شَآءَاللہ
ہمیں عالِموں اور بُزرگوں کے آداب سِکھاتا ہے ہر دَم سَدا مَدَنی ماحول
یہاں سُنّتیں سیکھنے کو مِلیں گی دِلائے گا خَوفِ خُدا مَدَنی ماحول
(وسائلِ بخشش، ص:۶۴۷)
صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد