ہیں۔اَلْحَمْدُلِلّٰہ اِس مجلس کےتَحت حج وزیارتِ مدینہ کےلئےمکّےمدینےجانے والوں کو امیرِ اہلسنّت دَامَتْ بَـرَکاتُہُمُ الْعَالِیَہکی تحریرکردہ کتابیں”رَفِیقُ الْحَرَمَین “اور”رَفِیْقُ الْمُعْتَمِرِیْن“بھی تحفۃً پیش کی جاتی ہیں تاکہاللہ پاک  کے گھرکےمہْمان اورحبیبِ خدا صَلَّی اللّٰہُ عَلَیْہِ واٰلِہٖ وَسَلَّمَ کے دیوانے اِس عِبادت کو اَچھے طریقے سےبَجالانےمیں کامیاب ہوجائیں۔اللہ پاک”مجلسِ حج و عمرہ“ کو مزید برکتیں عطا فرمائے۔ اٰمِیْن  بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

اوصافِ بی بی مریم

      میٹھےمیٹھےاسلامی بھائیو!یاد رہے!حضرت بی بی مریمرَضِیَ اللّٰہُ عَنْہاوہ خوش نصیب عورت ہیں جن کا نام قرآنِ کریم میں آیاہے ،آپرَضِیَ اللّٰہُ عَنْہا کے علاوہ کسی عورت کا نام قرآنِ کریم میں ذکرنہیں کیاگیا،اللہ پاک نےحضرت بی بی مریمرَضِیَ اللّٰہُ عَنْہا کی شان قرآنِ کریم میں یوں بیان  فرمائی ہے:

وَ اِذْ قَالَتِ الْمَلٰٓىٕكَةُ یٰمَرْیَمُ اِنَّ اللّٰهَ اصْطَفٰىكِ وَ طَهَّرَكِ وَ اصْطَفٰىكِ عَلٰى نِسَآءِ الْعٰلَمِیْنَ(۴۲) (پ۳،آل عمران :۴۲)

ترجمۂ کنزُالعِرفان:اور(یادکرو)جب فرشتوں نےکہا، اے مریم،بیشکاللہنےتمہیں چن لیاہےاورتمہیں خوب پاکیزہ کردیا ہے اورتمہیں سارےجہان کی عورتوں پر منتخب کرلیا ہے۔

       تفسیر صراط الجنان میں ہے:اس آیت میں حضرت مریمرَضِیَ اللّٰہُ عَنْہاکی شان کابیان ہے۔اللہ پاک نےانہیں بہت سےفضائل کیلئےمنتخب فرمالیا،مثلاً عورت ہونےکےباوجودبَیْتُ الْمَقْدِس کی خدمت کےلیےانہیں نذرمیں قبول فرما لیا حالانکہ صرف مردوں کو ہی منتخب کیا جاتا تھا۔ لہٰذایہ بات ان کے علاوہ کسی عورت کو مُیَسَّرنہ ہوئی۔آپرَضِیَ اللّٰہُ عَنْہا کیلئےجنتی رِزْق بھیجا گیا،حضرت زَکَرِیَّا عَلَیْہِ السَّلَام کو