(کشف المحجوب، ص ۱۳۷)

بہرحال ہمیں  چاہیے کہ کسی ولی کوہرگز  نہ آزمائیں، نہ  کسی ولی سے بد ظن ہوں اور نہ ہی دل میں کسی ولیُ اللہ کی دشمنی  رکھیں،سردارِانبیا،محبوبِ کبریا صَلَّی اللہُ عَلَیْہِ وَسَلَّم فرماتےہیں:اللہپاک ارشاد فرماتا ہے:’’مَنْ عَادَى لِي وَلِيًّا فَقَدْ آذَنْتُهُ بِالْحَرْبِ‘‘ یعنی”جس نے میرے کسی ولی سے دشمنی کی،میں اسے اعلانِ جنگ دیتا ہوں۔“(بخاری،کتاب الرقاق،باب التواضع... الخ ،۴/ ۲۴۸،حدیث:۶۵۰۲)

اللہ پاک ہمارے دلوں میں ہمیشہ اپنے اولیائے کرام رَحْمَۃُ اللّٰہ ِ عَلَیْہِمْ اَجْمَعِیْن کاادب و احترام قائم رکھےاور ان  کی  شان میں بے ادبی کرنے والوں کی صحبت سےمحفوظ فرمائے۔اٰمِیْن بِجَاہِ النَّبِیِ الْاَمِیْنصَلَّی اللّٰہُ عَلَیْہِ واٰلِہٖ وَسَلَّمَ  

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!اللہ پاک کے نیک بندوں سے دشمنی رکھنا ،ان کی  شان  میں بے ادبی کرنا،انہیں طرح طرح سے سَتانا،ان کے مال وجائیداد پر قبضہ کر کے انہیں تکلیف پہنچانا،سراسر نادانی اور دنیا وآخرت کی  بربادی کا سبب ہے۔ان  حضرات کی شان و عظمت توایسی بُلند وبالا ہے کہ اگر کسی مُعاملے میں سب  لوگ ان کے خلاف گواہی دینے کیلئےمُتحد ہوجائیں ،مگر اللہ پاک  ان کی سچائی و امانت داری کی  گواہی کیلئے ضرور کوئی سبب پیدا فرمادیتاہے، جس سے ان کی شان وعظمت اور عزّت وشُہرت لوگوں  کے دلوں میں  مزید اُجاگر ہوجاتی ہے ،جیساکہ

زمین نے گواہی دی:

ایک شخص نے حاکمِ شہر کی عدالت میں حضرت بابافریدُالدّین مسعود گنجِ شکر رَحْمَۃُ اللہِ عَلَیْہ کی زمین پر مِلکیَّت کاناجائز  دعویٰ کردیا ،چنانچہ  حاکِم نے آپ رَحْمَۃُ اللہِ عَلَیْہکے پاس پیغام بھیجا کہ زمین کی ملکیَّت کا