بَیان سُننے کی نیّتیں

موقع کی مناسبت اور نوعیت کے اعتبار سے نیتوں میں کمی ،   بیشی وتبدیلی کی جاسکتی ہے۔    

نگاہیں نیچی کئے خُوب کان لگا کر بَیان سُنُوںگی۔    ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گی۔   ضَرورَتاً سِمَٹ سَرَک کر دوسری اسلامی بہنوں کے لئے جگہ کُشادہ کروں گی۔   دھکّا وغیرہ لگا تو صبر کروں گی،    گُھورنے،   جِھڑکنےاوراُلجھنے سے بچوں گی۔   صَلُّوْا عَلَی الْحَبِیْبِ،    اُذْکُرُوااللّٰـہَ،    تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والی کی دل جُوئی کے لئےپست آواز سے جواب دوں گی۔   اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گی۔    دورانِ بیان موبائل کے غیر ضروری استعمال سے بچوں گی،    نہ بیان ریکارڈ کروں گی نہ ہی اور کسی قسم کی آواز  کہ  اِس کی اجازت نہیں ،   جو کچھ سنوں گی،    اسے سن   اور سمجھ   کر اس پہ عمل کرنے اور اسے بعد میں دوسروں تک پہنچا   کر نیکی کی دعوت عام کرنے کی سعادت حاصل کروں گی۔    

صَلُّوْا عَلَی الْحَبیب!                                    صَلَّی اللّٰہُ تَعَالٰی عَلٰی مُحَمَّد

میٹھی میٹھی ا سلامی بہنو! اِنْ شَآءَ اللہعَزَّ  وَجَلَّ!آج کے بیان میں صحابَۂ کرام اور اہل بیت عظام عَلَیْہِمُ الرِّضْوَان کے مقام و مرتبے اور ان کی شان سننے کی سعادت حاصل کریں گی۔    پہلے صحابَۂ کرام عَلَیْہِمُ الرِّضْوَان کی شان سے متعلق قرآنِ پاک کی آیت اور کچھ احادیثِ طیبہ بیان کی جائیں گی۔    اس کے بعد اہلِ بیت کرام عَلَیْہِمُ الرِّضْوَان کی محبت کی اہمیت اور اس سے متعلق احادیثِ طیبہ سنیں گی۔    صحابَۂ کرام عَلَیْہِمُ الرِّضْوَان نبیِ پاک  عَلَیْہِ الصَّلٰوۃُ وَالسَّلَام  کی آل سے کیسی محبت کرتے تھے اس کے چند واقعات بھی بیان کئے جائیں گے۔    آخر میں حضرت امام حسین رَضِیَ اللہُ تَعَالٰی عَنْہ کا مختصر تعارف بھی بیان کیا جائے گا۔    اللہ کرے کہ ہم پورا بیان سننے میں کامیاب ہو جائیں ۔   بعض اسلامی  بہنیں دورانِ بیان تسبیح کے ذریعے ذِکرودرودشریف وغیرہ پڑھتی رہتی ہیں،    یادرکھئے!یہ اِس کا موقع نہیں ہے،   ہم چُونکہ علمِ دِین سیکھنے کی نیّت سے یہاں جمع ہیں