وَاٰلِہٖ وَسَلَّمَ!میں مع سامان تین سو(300) اُونٹ اپنے ذِمّے قَبول کرتا ہوں۔یہ سُن کر پیارے آقاصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ بہت خُوش ہوئے ۔اسی لیے آپ کو ’’مُجَهِّزُ جَيْشِ الْعُسْرَةِ‘‘یعنی تنگی والے لشکر کی مالی مُعاوَنت کرنے والا کہتے ہیں۔(ترمذی، کتاب المناقب، مناقب عثمان بن عفان، ج۵، ص۳۹۱، حدیث: ۳۷۲۰)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

            میٹھی میٹھی اسلامی بہنو!آج کل کچھ لوگ دوسروں کی دیکھا دیکھی جَذبات میں آ کر چندہ دینے  کیلئے نام لکھو اتو دیتے ہیں مگر جب دینے کی باری آتی ہے تو ان پر بھاری پڑ جا تاہے، حتّٰی کہ بعض تو دیتے بھی نہیں!مگرقُربان جائیے!محبوبِ مُصطَفٰے،سیِّدُ الْاَسْخیا،عُثمانِ باحَیا رَضِیَ اللہُ تَعَالٰی عَنْہُ کے جُودوسَخا پرکہ آپرَضِیَ اللہُ تَعَالٰی عَنْہُ نے اپنے اِعلان سے بَہُت زِیادہ چندہ پیش کِیا۔ حکیمُ الاُمَّت ، حضرت مُفْتی احمد یا رخانرَحْمَۃُ اللہِ تَعَالٰی عَلَیْہاِس حدیثِ پاک کے تَحْت فر ماتے ہیں: خیا ل رہے کہ یہ تو اُن کا اعلان تھا مگر حا ضِر کرنے کے وَقْت آپ (رَضِیَ اللہُ تَعَالٰی عَنْہُ) نے950اُونٹ، 50گھوڑے اور 1000 اَشْرَفیاں پیش کیں،پھر بعدمیں 10 ہزار اَشْرَفیا ں اور پیش کیں۔(مُفْتی صا حبرَحْمَۃُ اللہِ تَعَالٰی عَلَیْہ مزید فرماتے ہیں) خیال رہے کہ آپ رَضِیَ اللہُ تَعَالٰی عَنْہُنے پہلی بارمیں ایک سو(100) کا اعلان کِیا ،دُوسری بار 100اُوْنٹ کے علاوہ اور200کا ، تیسری باراور300 کا کل 600اُونٹ (پیش کرنے) کااِعلان فر مایا ۔

(مراٰۃ المناجیح ج۸ص۳۹۵،از کراماتِ عثمانِ غنی،ص۶)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

چوتھا لَقَب،  صاحِبُ الْہِجْرَتَیْن:

میٹھی میٹھی اسلامی بہنو! اَمِیْرُالمؤمنین حضرت سَیّدُناعُثمانِ غنی رَضِیَ اللہُ تَعَالٰی عَنْہُجس طرح دِیْنِ اسلام کی سَر بُلندی کےلیے اپنا مال لُٹاتے تھے،اسی طرح خُودبھی پیچھے نہیں رہتے تھے۔آپ  رَضِیَ اللہُ