یادرکھئے! نا شکر ااور حریص انسان کبھی  خوش نہیں رہتا،اسےدنیاکی ساری دولت اور سہولتیں بھی مل جائیں تواس کی حرص میں مزید اضافہ ہی ہوتاچلا جاتاہے، جیساکہ

 رَسولُاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنےارشادفرمایا:اگرابنِ آدم کےپاس سونےکی ایک وادی ہو توچاہے گاکہ اس کے پاس 2وادیاں ہوں اور اس کے منہ کو مٹی کے سوا کوئی چیز نہیں بھر سکتی اور جو اللہ  پاک سےتوبہ کرےتواللہ  پاک اس کی توبہ قبول فرماتاہے۔ (بخاری،کتاب الرقاق،باب ما یتقی من فتنۃ الما ل، ۴/ ۲۲۹،حدیث: ۶۴۳۹)

نفس وشیطان ہوگئےغالب       ان کےچُنگل سےتُو چُھڑا یا ربّ

نِیم جاں کردیا گناہوں نے                          مرضِ عِصیاں سے دے شِفا یا ربّ

حِرصِ دُنیا نکال دے دِل سے                           بس رہوں طالبِ رِضا یا ربّ

(وسائلِ بخشش مرمم ، ص ۷۹،۸۱)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

        میٹھےمیٹھےاسلامی بھائیو!یادرکھئے!دُنیاکی مَحَبَّت شیطان کاایساجال ہےکہ  اس میں پھنس کر انسان نیک کاموں سےدُور ہوتا چلا جاتاہے، پہلےمستحبات سےدُورہوتاہے،پھرسُنَّتوں سے غافل ہوتا ہے، اس کے  بعدفرائض و واجبات  چھوڑنےکی عادت بنتی ہے اور گناہوں کی حرص میں مبتلا ہوکراس فانی دنیا کی مَحَبَّت   میں کھو جاتا ہےاور طرح  طرح  کے خواب دیکھنے لگتا ہے،دُنیا وی کاموں میں بہت مشغول  رہنے والوں کی جب ظاہری آنکھ بند ہوتی ہے (یعنی موت آتی )ہےتوسارےخواب دَھرے کے دَھرےرہ جاتےہیں کیونکہ اگردنیاکی حقیقت کو جان لیتے تو کبھی بھی اس سےدل نہ لگاتےلیکن اس وقت افسوس   کےسوا کچھ ہاتھ نہیں آتا۔