Book Name:Makkha Mukarramah Ki Shan o Azmat
مسجد حرام کان علاوه ٻين مسجدن ۾ هڪ هزار نمازون پڙهڻ کان افضل آهي ۽ مسجد حرام ۾ هڪ نماز پڙهڻ ٻين مسجدن ۾ هڪ لک نمازون پڙهڻ کان افضل آهي. (مسند احمد، مسند جابربن عبداللہ ، رقم ، ۱۴۷۰۰، ج ۵، ص ۱۰۸)
5. آب زم زم جو کوهه به اتي واقع آهي
آب زم زم جون برڪتون بيان ڪندي نبي اڪرم صَلَّى اللهُ تَعَالٰى عَلَيْهِ وَاٰلِهٖ وَسَلَّم جن ارشاد فرمايو: آب زم زم هر ان مقصد جي لاءِ آهي، جنهن مقصد جي لاءِ ان کي پيتو وڃي، جيڪڏهن توهان ان کي شفا جي غرض کان پيئندو ته اللہ پاڪ توهان کي شفا ڏيندو، جيڪڏهن توهان ان کي پناهه حاصل ڪرڻ جي لاءِ پيئندو ته اللہ پاڪ توهان کي پناهه ڏيندو، جيڪڏهن توهان ان کي پنهنجي اڃ ختم ڪرڻ لاءِ پيئندو ته اللہ پاڪ توهان جي اڃ ختم ڪندو. (هن حديث پاڪ جا راوي بيان ڪن ٿا ته) حضرت سيدنا ابن عباس رَضِىَ اللهُ تَعَالٰی عَـنْهُمَا جڏهن آب زم زم پيئندا ته هي دعا گهرندا: اَللّٰھُمَّ اِنِّیْ اَسْئَلُکَ عِلْمًا نَافِعًا وَّرِزْقًا وَّاسِعًا وَّشِفَاءً مِّنْ کُلِّ دَاءٍ يعني اي اللہ عَزَّوَجَلَّ! مان توکان نفي ڏيڻ وارو علم، ڪشادو رزق ۽ هر بيماري کان شفا جو سوال ڪريان ٿو. (مستدرک،کتاب المناسک، باب ماء زمزم لماشرب لہ،۲/۱۳۲،رقم:۱۷۸۲)
یہ زم زم اُس لئے ہے جس لئے اس کو پئے کوئی
اِسی زم زم میں جنّت ہے اِسی زم زم میں کوثر ہے
(ذوقِ نعت، ص۱۶۰)
6. حجر اسود ۽ مقامِ ابراهيم به ان شهرِ مقدس مڪه پاڪ ۾ آهي.
حجر اسود جنتي پٿر آهي، رڪن (يعني حجر اسود) ۽ مقام (ابراهيم) ٻه ”جنتي ياقوت“ آهن. پهريان تمام نوراني هئا. اللہ پاڪ انهن جو نور لڪائي ڇڏيو جيڪڏهن ايئن نه ٿئي ها ته هي مشرق ۽ مغرب کي چمڪائن ها. (تفسیرِ نعیمی ج۱ ص ۶۳۰) جڏهن سنگِ اسود ڪعبي جي ديوار ۾قائم ڪيو ويو ته ان جي روشني