حاصِل ہوتے ہیں  و ہیں اِحساسِ کَمتری سے  بھی نجات ملتی ہے۔ (حافظہ کیسے مضبوط ہو؟،ص۹۵-۹۶)

باوُضو رہنے کی عادت بنانے اور اِس پر اِستقامت پانے کا ایک بہترین ذریعہ روزانہ فکرِ مدینہ کرتے ہوئے مَدَنی اِنعامات کا رِسالہ پُر کرنا بھی ہے۔شَیْخِ طریقت،امیرِ اہلسنّت،بانیِ دعوتِ اسلامی حضرت علامہ مولانا ابو بلال محمد الیاس عطار قادِرِی رَضَوِی ضیائی دَامَتْ بَـرَکاتُہُمُ الْعَالِیَہ نے”72 مَدَنی اِنعامات“نامی اپنے اِس رِسالے میں دن کا اکثر حِصَّہ باوُضو رہنے کی ترغیب پر مُشْتَمِل ایک  مَدَنی اِنعام بھی شامل فرمایا ہے،چنانچہ

 مَدَنی اِنعام نمبر39 ہے:کیا آج آپ دن کا اکثر حِصَّہ باوُضو رہے؟

اللہ کریم ہمیں روزانہ فکرِ مدینہ کرتے ہوئے  مَدَنی اِنعامات کا رِسالہ پُر  کرنے اور دن کا اکثر حِصَّہ با وُضو رہ کر اِس کی بَرکتیں لُوٹنے کی تَوفِیْق عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

دے شوقِ تلاوت دے ذوقِ عبادت        رہوں باوُضو میں سَدا یاالٰہی

(وسائل بخشش مرمم،ص۱۰۲)

صَلُّوْا عَلَی الْحَبِیْب!                          صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!عُموماً ہم روزانہ ہی نمازوں اور دیگر عبادات سے پہلے وُضو کرنے کی سَعادت حاصِل کرتے ہوں گے مگر شاید ہم نے کبھی اِس بات پر غور نہیں کیا ہوگا کہ آخر وُضو کی اِبتدا ہاتھ دھونے سے ہی کیوں  کی جاتی ہے؟۔تو یاد رکھئے!عُموماً ہم دن بھر میں اِن کی مدد سے اپنے کئی اُمور سَرانجام دیتے ہیں،جس کے سبب ہمارے ہاتھوں میں کئی قسم کے خطرناک جراثیم(Germs) لگ جاتے ہیں،اگر اِنہیں صاف سُتھرا نہ رکھا جائے تو ہاتھوں میں لگے جراثیم ہمارے مِعدے میں مُنْتَقِل ہوسکتے ہیں۔وُضو کرتے وَقْت نِیَّت کرنے اور بِسْمِاللہ شریف پڑھنے کے بعد سب سے پہلے دونوں  ہاتھوں کو پہنچوں تک تین تین بار دھولیا جاتا ہے،اِس عمل کی بَرکت سے ہمیں سُنّت پر عمل کرنے کا ثواب بھی مل جاتا ہے اور بہت سی بیماریوں اور جراثیم سے بھی ہماری حفاظت ہوجاتی ہے، چنانچہ