Book Name:Ramazan Ki Amad Marhaba
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
بَیان کا خلاصہ
میٹھی میٹھی اسلامی بہنو! آج کے بَیان میں ہم نے سُنا کہ
٭رَمَضانُ المبارَک کی مبارَک باد دینا سُنّتِ رسول ہے۔٭رَمَضانُ المبارَک میں روزہ داروں کو روزہ اِفطارکروانے اور پانی پِلانے کی بہت فضیلت ہے۔٭رَمَضانُ المبارَک میں عبادت کا جذبہ بہت زیادہ بڑھ جاتا ہے۔٭رَمَضانُ المبارَک میں نیکیوں کا ثواب کئی گُنا بڑھا دیا جاتا ہے۔٭رَمَضانُ المبارَک میں زورِ گُناہ کم ہوجاتا ہے۔٭رَمَضانُ المبارَک صَبْر کا مہینا ہے۔٭رَمَضانُ المبارَک رَحمتوں اور بَرکتوں والا مہینا ہے۔٭رَمَضانُ المبارَک میں بخشش کے پروانے تقسیم ہوتے ہیں۔٭رَمَضانُ المبارَک میں اَعضاء کو بُرائیوں سے بچانا بہت ضروری ہے۔٭رَمَضانُ المبارَک میں بُزرگانِ دِین رَحْمَۃُ اللّٰہ ِتَعَالٰی عَلَیْہِم اَجْمَعِیْن کثرت سے خَتْمِ قرآن فرمایا کرتے تھے۔اللہ پاک رَمَضان المبارَک کے صَدقے میں ہمیں بھی اِس ماہ میں خوب خوب عبادت و رِیاضت بجالانے کی سعادت نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو! بیان کو اختِتام کی طرف لاتے ہوئے سُنّت کی فضیلت،چند سُنّتیں اور آداب بَیان کرنے کی سَعَادَت حاصِل کرتی ہوں۔تاجدارِ رسالت،شَہَنْشاہِ نُبُوَّت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ جنّت نشان ہے:جس نے میری سُنّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا ۔([1])