Book Name:Ramazan Ki Amad Marhaba
رَفتار کا گُفتار کا کِردار کا دے دے ہر عُضْو کا دے مجھ کو خُدا قُفْلِ مدینہ
(وسائل بخشش مرمم،ص۹۵)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو! عاشِقانِ رسول کی مَدَنی تحریک دعوتِ اسلامی کم و بیش104شعبہ جات میں نیکی کی دعوت کی دھومیں مچارہی ہے،جس میں سے ایک شعبہ ”مجلس مدرسۃ المدینہ“ بھی ہے۔ اس مجلس(Depart) کی کوششوں سےمُلک وبیرونِ ملک حفظ وناظرہ کے ہزاروں مدارِس بنام ’’مدرسۃ المدینہ‘‘(للبنین و للبنات،جزوقتی،رہائشی)قائم ہیں۔جہاں پر مَدَنی مُنّوں اور مَدَنی مُنّیوں کو حفظ و ناظِرہ کی مفت تعلیم دی جا رہی ہے۔آپ بھی اپنے مدنی منوں اور منیوں کو مدرسۃ المدینہ میں داخلہ دلوائیے اور خود بھی مدرسۃ المدینہ بالغات میں شرکت کی نیت کیجئے اِنْ شَآءَ اللہعَزَّ وَجَلَّ اس کی ڈھیروں برکتیں نصیب ہوں گی۔
اللہ کرم ایسا کرے تجھ پہ جہاں میں اے دعوتِ اسلامی تری دھوم مچی ہو
(وسائلِ بخشش مُرَمَّمْ،ص۳۱۵)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھی میٹھی اسلامی بہنو! اَلْحَمْدُ لِلّٰہ عَزَّ وَجَلَّ شَعْبَانُ الْمُعَظَّم کا بابَرکت مہینا اپنی بَرکتیں لُٹا رہا ہےپھر رَمَضانُ الْمبارَک کی آمد ہوگی۔10رَمَضانُ المبارَک کو اُمُّ المؤمنین حضرت سَیِّدَتُنا خدیجۃُ الکُبریٰ رَضِیَ اللہُ تَعَالٰی عَنۡہَا کا عُرس بھی ہے۔آئیے!اِسی مُناسَبَت سے حُصُولِ بَرَکت اور نُزولِ رَحمت کے لئے ہم آپ رَضِیَ اللہُ تَعَالٰی عَنْہَا کا مُخْتَصَر ذِکْرِ خَیْر سنتی ہیں،چنانچہ