حتّٰی کہ  بعض لوگ فرض ہونے کے باوجود  زکوۃ کی ادائیگی بھی نہیں کرتے   ،  دولت میں اِضافے کیلئے مختلف گُر تواپنائے جاتے ہیں مگر نیکیوں  میں   بَرکت   کے معاملے میں سستی سے کام لیتے ہیں ۔ یادرکھئے! ابھی وقت ہے غفلت سےبیدارہوکر فوراً توبہ کرلیجئے کہیں ایسانہ ہوکہ  موت  اچانک  روشنیوں سےجگمگاتے کمرےمیں آرام دِہ  بستر سے اُٹھا کر  کیڑے  مکوڑوں سے بھری  اندھیری  قبر میں سُلادے اور پھر  چلاتی رَہ  جائیں کہ اے مالک! مجھے  دوبارہ دنیا  میں بھیج دے وہاں جا کر تیری  خوب عبادت کروں گی ،اپناسارا مال تیری راہ میں لُٹادوں گی ،پانچوں نَمازیں اَدا کروں گی  یادرکھئے! اس وقت کی  چیخ وپکار اسے کوئی فائدہ نہ دےگی کیونکہ قرآنِ پاک اس بارےمیں پہلےہی سےخبردار کرچکا  ہے۔چُنانچِہ پارہ28 سُوْرَۃُ الْمُنافِقُوْن کی آیت   10اور11میں ارشادِ  رَبُّ الْعزت ہے :

وَ اَنْفِقُوْا مِنْ مَّا رَزَقْنٰكُمْ مِّنْ قَبْلِ اَنْ یَّاْتِیَ اَحَدَكُمُ الْمَوْتُ فَیَقُوْلَ رَبِّ لَوْ لَاۤ اَخَّرْتَنِیْۤ اِلٰۤى اَجَلٍ قَرِیْبٍۙ-فَاَصَّدَّقَ وَ اَكُنْ مِّنَ الصّٰلِحِیْنَ(۱۰)وَ لَنْ یُّؤَخِّرَ اللّٰهُ نَفْسًا اِذَا جَآءَ اَجَلُهَاؕ-وَ اللّٰهُ خَبِیْرٌۢ بِمَا تَعْمَلُوْنَ۠(۱۱) (پ۲۸،منافقون،۱۰۔.۱۱)

تَرْجَمَۂ کنزالایمان:اورہمارےدیئےمیں سےکچھ ہماری راہ میں خرچ کروقبل اس کےکہ تم میں کسی کو موت آئےپھرکہنےلگے،اےمیرےرَبّ تُونے مجھے تھوڑی مدّت تک کیوں مُہْلَت نہ دی کہ میں صَدَقہ دیتا اور نیکوں میں ہوتا اور ہرگز  اللہ  کسی جان کو مُہْلَت نہ دے گاجب اُس کا وعدہ آجائے اور  اللہ   کو تمہارے کاموں کی خبر ہے۔

میٹھی میٹھی اسلامی بہنو!معلوم ہواکہ  موت کے وقت انسان غفلت سے بیدار ہوجاتاہے اور