سب جادُو کے کَرِشمے ہوں گے جِن کو واقِعِیَّت(حقیقت)سے کچھ تَعَلُّق  نہیں۔پھر حضرت عیسیٰ عَلَیْہِ الصَّلٰوۃُ وَالسَّلَام آسمان سےجامِع مسجِد دِمَشْق کےشَرْقی مینارہ پر نُزُول فرمائیں  گے،لَعِیْن (مَرْدُود)دَجَّال،حضرت عیسیٰ عَلَیْہِ الصَّلٰوۃُ وَالسَّلَام کی سانس کی خُوشبو سے پِگھلنا شُروع ہوگا، جیسے پانی میں  نَمک(Salt)گُھلتا ہے،آپ(عَلَیْہِ السَّلَام)اُس کی پیٹھ میں نیزہ ماریں گے،اُس سے وہ واصِلِ جہنَّم ہوگا۔

(بہار شریعت،۱/۱۱۶تا۱۲۲ ملتقطاً)

صَلُّوْا عَلَی الْحَبِیْب!                                صَلَّی اللّٰہُ تَعَالٰی عَلٰی مُحَمَّد

بَیان  کا خُلاصَہ

میٹھی میٹھی اسلامی بہنو!آج کے اِس ہَفْتہ وار سُنّتوں بھرے اِجتِماع میں ہم نے سُنا کہ

v          حضرت سَیِّدُنا  عیسیٰ عَلَیْہِ السَّلام زِندہ ہیں اور قُربِ قِیامت میں تشریف لائیں گے۔

v          حضرت سَیِّدُنا عیسیٰ عَلَیْہِ السَّلام سادَگی پسند اور زُہْد و قَناعَت اِخْتِیار کئے ہُوئے تھے۔

v          حضرت سَیِّدُنا عیسیٰ عَلَیْہِ السَّلام کی والِدہ جنّتی عَوْرَتوں کی سَردار ہیں۔

v          حضرت سَیِّدُنا عیسیٰ عَلَیْہِ السَّلام کی والِدہ کوجَنَّتُ النَّعِیْممیں مالکِ کَوثَر و جَنّت،شمعِ بزمِ ہِدایت صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی زَوْجِیَّت کا شَرَف حاصِل ہوگا۔

v          حضرت سَیِّدُنا عیسیٰ عَلَیْہِ السَّلام نے پیدا ہوتے ہی کَلام فرمایا اور اپنی والِدہ کی پاکْدَامَنی کی گواہی دی۔

v          حضرت سَیِّدُنا عیسیٰ عَلَیْہِ السَّلام نے پَرِنْدوں کو پیدا،مُردُوں کو زِندہ اور بَرَص کے مَرِیْضوں کو شِفا یاب فرمایا۔

v          حضرت سَیِّدُنا عیسیٰ عَلَیْہِ السَّلام جانوروں کا ذِکْر بھی اچّھے اَلفاظ میں فرماتے۔

v          حضرت سَیِّدُنا عیسیٰ عَلَیْہِ السَّلام نےاپنی زبانِ پاک کو ہمیشہ بُری باتوں سے محفوظ رکھا۔

صَلُّوْا عَلَی الْحَبِیْب!                                صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!بَیان کو اِخْتِتام کی طرف لاتے ہوئے سُنّت کی فضیلت ، چند سُنّتیں اور آداب