بَرَکاتُہُمُ الْعَالِیَہاپنی تَصْنِیْف”غِیْبَت کی تَباہ کارِیاں“صَفْحہ نَمبر275پر فرماتےہیں:حضرت سَیِّدُنا  مالِک بِن دِینار رَحْمَۃُ اللّٰہ ِتَعَالٰی عَلَیْہ فرماتے ہیں:حضرت سَیِّدُنا عیسیٰرُوْحُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلام ایک مَرے ہُوئے کُتّےکے پاس سےگُزرے،حَوارِیوں نے عَرْض کی:یہ کُتّا(Dog) کس قَدَر بَدْ بُو دار ہے!حضرت سیِّدُنا عیسیٰرُوْحُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلام نے فرمایا:اِس کے دانت کتنے سَفید ہیں!گویاآپعَلٰی نَبِیِّنا وَ عَلَیْہِ الصَّلٰوۃُ وَالسَّلام نے اُن کو مُردار کُتّے کی غِیْبَت سے بھی منع فرمایا اور اُن کو خَبَر دار کِیا کہ بے زَبان جانوروں کی بھی خُوبی کا ہی ذِکْر کرنا چاہئے۔(اِحیاءُ الْعُلوم، کتاب آفات اللسان ،۳ / ۱۷۷)

حُسنِ   اَخلاق    مِلے  بِھیک  میں   اِخلاص   مِلے    اِک بِھکاری ہے کھڑا آپ کے  دَربار  کے  پاس

(وسائل بخشش مرمم ، ص ۲۳۶)

مَجْلِس مکتبۃُ المدینہ

میٹھی میٹھی اسلامی بہنو!سُناآپ نےکہ حضرت سَیِّدُنا عیسیٰ رُوْحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام کااَخلاق کتنا پِیارا تھا کہ جو اِنسانوں کے ساتھ ساتھ جانوروں(Animals) کےساتھ بھی بَدْسُلوکِی سےبچتے تھےتو سوچئے! کہ پھر اَخلاقِ مُصْطَفٰے کا عالَم کِیا ہوگا کہ جن سے مُتَأَثِّرْ ہوکر کئی غیر مُسلموں نے اِسلام قَبُول کِیا۔اے کاش کہ ہم بھی  اُن مَعْصُوم ہَستِیوں کےطُفَیْل حُسْنِ سُلُوک کا گُرپانے اور بَدْ اَخلاقی سے جان چُھڑانے میں کامیاب ہوجائیں۔حُسْنِ اَخلاق کا پیکر بننے کا ایک طَرِیْقَہ فَیْضانِ اَنْبِیا و اَوْلِیاسےمالامال عاشِقانِ رَسُول کی مَدَنی تَحریک دعوتِ اسلامی سے وابَسْتَہ ہوجانا بھی ہے۔اَلْحَمْدُ لِلّٰہ      عَزَّ  وَجَلَّ دعوتِ اسلامی دُنیا بھر میں کم وبیش 104شُعْبہ جات میں نیکی کی دعوت کی دُھومیں مچانے میں مَصْرُوف ہے،جن میں سے ایک”مَجْلِس مکتبۃُ المدینہ“بھی ہے۔شَیْخِ طَرِیْقَت،اَمیرِ اَہلسُنَّتدَامَتْ بَرَکَاتُہُمُ الْعَالِیَہ نے دعوتِ اسلامی کے اِشاعتی اِدارے مکتبۃُ المدینہ کا آغاز ۱۴۰۶؁ ھ بَمُطابِق 1986 ؁ء میں فرمایا اور سب سے پہلے بَیانات کی آڈیو کیسٹیں جاری کی گئیں۔اَلْحَمْدُ لِلّٰہ عَزَّ  وَجَلَّ مکتبۃُ المدینہ نے اِس مُخْتَصَر سے عَرصے میں جو تَرَقِّی کی،وہ اپنی مِثال آپ ہے۔اِس مُخْتَصَر عَرصے میں مکتبۃُ المدینہ سے جہاں سُنّتوں بھرے بَیانات