شیخِ طریقت،امیرِ اہلسنّت دامت برکاتہم العالیہ اُمّتِ مُسلمہ کوگناہوں کے عذابات سے ڈراتے ہوئے،مال کی بے جا محبت سے نفرت دِلاتے ہوئے نصیحتوں سے مالامال مدنی پھول عطا فرماتے ہوئے اِرشاد فرماتے ہیں:

گر عذابوں کو دیکھو گے جاؤ گے ڈر             تم بتاؤ کہاں جاؤ گے بھاگ کر

جو دُکانیں خِیانت سے چمکائیں گے!                     کیا اُنہیں زَر کے اَنبار کام آئیں گے

قہرِ قَہّار سے کیا بچا پائیں گے؟                           جی نہیں،نارِدوزخ میں لے جائیں گے

مالِ دنیا ہے دونوں جہاں میں وبال                آئےگا قَبر میں ساتھ ہرگز نہ مال

حشر میں ذرّے ذرّے کا ہوگا سُوال                   آپ دولت کی کثرت کاچھوڑیں خیال

غافلو!قبر میں جس گھڑی جاؤ گے              سانپ بچھّو جو دیکھو گے چِلّاؤ گے

سر پچھاڑو گے پر کچھ نہ کر پاؤ گے        بے حد اپنے گناہوں پہ پچھتاؤ گے

                                                                                                (وسائلِ بخشش،ص ۶۵۵)

صَلُّوْا عَلَی الْحَبِیْب!                                  صَلَّی اللّٰہُ تَعَالٰی عَلٰی مُحَمّد

زکوٰ ۃ دینے کے فوائد

     میٹھے میٹھے اسلامی بھائیو! سُنا آپ نے کہ زکٰوۃ نہ دینے والوں کو دنیاوآخرت میں کیسے کیسے نقصانات  اُٹھانے پڑتے  ہیں، اس لئے ہمیں  چاہیے کہ کسی بھی حکمِ شرعی کی ادائیگی میں بالکل سُستی نہ کریں بلکہ  یہ ذہن بنائیں کہ خالق ومالکِ کائنات عَزَّ  وَجَلَّ کے ہر کام میں کوئی نہ کوئی  حکمت ضرور پوشیدہ ہوتی  ہے، وہ اپنے بندوں پر بے حد مہربان ہے، اس کے ہر حکم میں ہمارے لیے ہی بھلائی  ہوتی ہے۔ لہٰذاہمیں بھی  بندہ ہونے کا حق ادا کرتے ہوئے  اس کے ہر حکم پر لبیک کہہ کر اس کی بجاآوری کرنی چاہیے،مثلاً اللہ عَزَّ  وَجَلَّ نے ہمیں نمازپڑھنے کا حکم دیا ہے تو ہمیں نماز کا  وقت ہوتے ہی  سب کام کاج چھوڑ کرنمازپڑھنی چاہیے،اللہ