Book Name:Qaroon Ki Halakat Ka Sabab
پر استقامت پانے کیلئے دعوتِ اسلامی کے مدنی ماحول سے ہر دم وابستہ ہوجائیے، اس کی برکت سے دِین و دُنیا کی ڈھیروں برکتیں نصیب ہوں گی۔ اِنْ شَآءَاللہ عَزَّ وَجَلَّ
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
اَلْحَمْدُ لِلّٰہ عَزَّ وَجَلَّ دعوتِ اسلامی کے مَدَنی ماحول سے وابستہ ہونے کی بَرَکت سے جہاں دیگر بے شُمار فَوائِد حاصل ہوتے ہیں، وہیں 12 مدنی کاموں میں عملی طورپر حِصَّہ لینے کا ذِہْن بھی بنتا ہے، 12مدنی کاموں میں سے روزانہ کاایک مدنی کام مدرسۃُالمدینہ بالِغان بھی ہے،مدرسۃُالمدینہ بالِغان میں ناظرہ قُرآنِ پاک کی مفت تَعْلِیْم دی جاتی ہے۔قرآنِ پاک سیکھنے سِکھانے کی بڑی فَضِیْلت ہے۔چُنانچہ
حَضْرت سَیِّدُنا عُثمان رَضِیَ اللّٰہُ تَعَالٰی عَنْہُ سے روایت ہے کہ شَہَنْشاہِ مدینہ،قَرارِقَلْب وسینہ،صاحبِ مُعطَّر پسینہ،باعثِ نُزولِ سکینہ،فَیْضِ گنجینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشادفرمایا:”خَیْرُکُمْ مَنْ تَعَلَّمَ الْـقُرْاٰنَ وَعَلَّمَهٗیعنی تم میں بہترین شَخْص وہ ہے، جس نے قُرآن سیکھا اور دُوسروں کو سکھایا۔(صحیح البخاري،کتاب فضائل القرآن،باب خیرکم ...الخ،الحدیث۵۰۲۷،ج۳،ص۴۱۰)
اَلْحَمْدُ لِلّٰہ عَزَّ وَجَلَّقُرآنِ پاک سیکھنے سِکھانے کی ضَرورت و اَہَمیَّت کے پیشِ نَظر قرآنِ پاک کی تَعْلِیْمات کو عام کرنے کیلئے دعوتِ اسلامی کے تَحْت بڑی عمر کے(بالغ) اسلامی بھائیوں کیلئے عُمُوماً بعد نمازِ عشاء مُختلف مَسَاجِد،مارکیٹ،بازار،فیکٹری وغیرہ میں پڑھنے والوں کی سہولت کا خیال رکھتے ہوئے مدرسۃُالمدینہ بالِغان کی تَرکیب ہوتی ہے اور اسلامی بہنوں کے لئے مُختلف مَقامات و اَوْقات میں ہَزارہا مدرسۃُالمدینہ بالِغات کی بھی ترکیب ہوتی ہے،اسلامی بھائی اسلامی بھائیوں سے اور اسلامی بہنیں اسلامی بہنوں سے پڑھتی ہیں،حُرُوف کی دُرُسْتْ اَدائیگی کے ساتھ قُرآنِ کریم سِیکھنے کے ساتھ ساتھ مُختلِف دُعائیں