کرنے کی سعادت حاصل کریں گے،مثلاًآپ کامختصر تعارف،آپ کاکِردار،بارگاہِ رِسالت میں آپ کا مقام و مرتبہ،جنّت میں آپ کا پُرتپاک اِستقبال،آپ کا مالی اِیثار،آپ کا نیکی کی دعوت دینے کاانداز،آپ کی روزوں سے محبت،آپ کا مریضوں کی عِیادت و خیر خواہی فرماناوغیرہ۔

سَیِّدُنا زبیر بن عوّام رَضِیَ اللہُ تَعَالٰی عَنْہُ کا تعارف

حضرت سَیِّدُنا زبیر بن عوّام رَضِیَ اللہُ تَعَالٰی عَنْہُ کے ایامِ زندگی اسلام کی سربُلندی اور رَسُوْلُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے وفاداری میں بسرہوئے ،آپ،حُضُورِ انور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی پھوپھی حضرت سَیِّدَتُنا صفیہرَضِیَ اللہُ تَعَالٰی عَنْہَا کے شہزادے،حضرت سَیِّدَتُنا خدیجہ رَضِیَ اللہُ تَعَالٰی عَنْہَا کے بھتیجے،امیر المؤمنین حضرت سَیِّدُنا صِدِیقِ اکبر رَضِیَ اللہُ تَعَالٰی عَنْہُ کے داماد،اسلام کے سُتونوں میں سے ایک سُتُون،جنت میں آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے پڑوسی،زخمی حالت میں رسولُ اللہ صَلَّی اللّٰہُ تَعَالٰی  عَلَیْہِ  واٰلِہٖ وَسَلَّمَ کے حکم پر لبّیک کہنے والے،اپنی قوم میں سب سے بہترین،نبیِ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے پیارے،رَسُوْلُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی حمایت  وحفاظت میں سب سے پہلے تلوار اُٹھانے والے،بہادر ترین پہلوان تھے اور بہادر ماں کے بیٹے تھے،اس کے عِلاوہ دیانت داری،کامیاب تجارت، صدقہ و خیرات کرنے،اخلاص،خوف ِخدا رکھنے والے،حدیثِ پاک بیان کرنے  میں احتیاط کرنے کے ساتھ ساتھ کئی عَظِیْم خوبیوں والے تھے۔آپ رَضِیَ اللہُ تَعَالٰی عَنْہُ کا یومِ وصال11 جمادی الاخریٰ ہے اور اسی تاریخ کو آپ رَضِیَ اللہُ تَعَالٰی عَنْہُ کا عُرسِ مبارک منایا جاتا ہے۔

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

سَیِّدُنا امام محمد غزالیرَحْمَۃُ اللّٰہ ِتَعَالٰی عَلَیْہ کا تعارف

حُجَّۃُ الْاِسْلام حضرت سَیِّدُنا امام محمد غزالی رَحْمَۃُ اللّٰہ ِتَعَالٰی عَلَیْہ کے ایامِ زندگی ظاہری و باطنی علوم سیکھنے  سکھانے میں بسر ہوئے ،راہِ علم میں آپ نے دُور درازکے مُلکوں اور شہروں کاسفر کیا،آپ نے