اهڙي طرح سيپاري 2 سورة البقره جي آيت نمبر 186 ۾ ارشادِ خُداوندي آهي:

مٺا مٺا اسلامي ڀائرو! اسان جي پياري آقا، مڪي مدني مُصطَفٰي صَلَّى اللهُ تَعَالٰى عَلَيْهِ وَاٰلِهٖ وَسَلَّم جي مُبارڪ زندگي جي ڏينهنَ مبارڪ جو مطالعو ڪيو وڃي ته پاڻ صَلَّى اللهُ تَعَالٰى عَلَيْهِ وَاٰلِهٖ وَسَلَّم جي معمولاتِ زندگي ۾ مختلف دُعائون، سندن صَلَّى اللهُ تَعَالٰى عَلَيْهِ وَاٰلِهٖ وَسَلَّم جو معمول رهيون، حضور صَلَّى اللهُ تَعَالٰى عَلَيْهِ وَاٰلِهٖ وَسَلَّم جو هي مبارڪ عمل اُمّت کي سيکارڻ جي لاءِ به هو، مثال طور گھر ۾ داخل ٿيڻ جي دُعا، گھران نڪرڻ وقت جي دُعا، سمهڻ کان پهريان جي دُعا، بيدار ٿيڻ کان پوءِ جي دُعا، ماني کائڻ کان پهريان جي دُعا، ماني کائڻ کان پوءِ جي دُعا، لباس پائڻ جي دُعا، تيل لڳائڻ جي دُعا وغيره۔ پاڻ ڪريم صَلَّى اللهُ تَعَالٰى عَلَيْهِ وَاٰلِهٖ وَسَلَّم نه صرف وقتاً فوقتاً دُعا جي اهميت کي بيان فرمايو بلڪه ڏينهن رات دُعا ۾ مصروف رهڻ جي ترغيب به ڏياري، اچو دُعا جي اهميت ۽ فضيلت جي باري ۾ ڪجھ احاديثِ مُبارڪه ٻڌون ٿا:

1.       پياري آقا ،مڪي مدني مُصْطَفٰي صَلَّى اللهُ تَعَالٰى عَلَيْهِ وَاٰلِهٖ وَسَلَّم جن ارشاد فرمايو: الدُّعَاءُمُخُّ العِبَادَةِ     يعني دُعا عبادت جو مَغَز آهي۔^([1])