کو خود باندھتے اور اسے چارا ڈال دیا کرتے، کپڑوں کو پیوند لگا لیا کرتے اور جُوتے کی اصلاح بھی خود ہی فرمالیا کرتے تھے۔ مکمل حُلیہ مُبارکہ بیان فرمانے کے بعد اَمِیْرُالْمُؤمنین حَضرتِ سَیِّدُنا مَولیٰ علی شیرِ خدا کَرَّمَ اللہُ تَعَالٰی وَجْہَہُ الْکَرِیْم نے ارشاد فرمایا: لَمْ اَرَ قَبْلَہٗ وَ لَا بَعْدَہٗ مِثْلَہٗ، میں نے حُضُور عَلَیْہِ الصَّلٰوۃُ وَالسَّلَام سے پہلے اورآپ عَلَیْہِ الصَّلٰوۃُ وَالسَّلَام کے بعد آپ جیسا کوئی اور نہیں دیکھا۔ایک روایت میں  مکمل حُلیہ  بیان فرمانے کے بعد حضرتِ مولیٰ علی کَرَّمَ اللہُ تَعَالٰی وَجْہَہُ الْکَرِیْم نے یوں فرمایا: یَقُوْلُ نَاعِتُہٗ     لَم ْ  اَ رَ قَبْلَہٗ وَلَا بَعْدَہٗ مِثْلَہٗ حُضُور عَلَیْہِ الصَّلٰوۃُ وَالسَّلَامکا ہر مدح خواں بالآخر یہی کہتا ہے کہ آپ جیسا نہ کوئی پہلے تھا اور نہ ہی بعد میں ہوگا۔ ( ازالۃ الخفا، ۴/۴۹۹،ملتقطاً وترمذی: ۵/۳۶۴، حدیث: ۳۶۵۷ و: ۳۶۵۸) مُفَسِّرِ شَہِیر،حکیمُ الاُمَّت مفتی احمد یار خان رَحْمَۃُ اللّٰہ ِتَعَالٰی عَلَیْہ اس حدیثِ پاک کے تحت فرماتے ہیں: حضرات صحابۂ کِرام (عَلَیْہِمُ الرِّضْوَان) حُضُور صَلَّی اللہُ تَعَالٰی عَلَیْہِ وَسَلَّم کی مثل کیا دیکھتے خدا نے حُضُور(عَلَیْہِ الصَّلٰوۃُ وَالسَّلَام) کا مثل بنایا ہی نہیں۔(مرآۃ المناجیح، باب اسماء النبی و صفاتہ، الفصل الثانی، ۸/۵۸، ملتقطاً)  

حُسن تیرا سا نہ دیکھا نہ سنا

کہتے ہیں اگلے زمانے والے

وہی دھوم ان کی ہے مَاشَاءَاللہ

مِٹ گئے آپ مٹانے والے

(حدائقِ بخشش:161)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

تجھے یک نے یک بنایا!

          میٹھے میٹھے اسلامی بھائیو! دیکھا آپ نے! جب لوگوں نے اَمِیْرُالْمُؤمنینحَضرتِ سَیِّدُنا علیُّ المُرْتَضیٰ شیرِخدا کَرَّمَ اللہُ تَعَالٰی وَجْہَہُ الْکَرِیْمسےحُضُور عَلَیْہِ الصَّلٰوۃُ وَالسَّلَام کے اوصاف کے مُتَعَلِّق پوچھا تو اوّلاً انہوں نےتفصیل سے  سرکارِ دوعالم صَلَّی اللہُ تَعَالٰی عَلَیْہِ وَاٰلِہٖ وَسَلَّمکا مُقدَّس حُلیہ بیان فرمایا، پھرآپ صَلَّی اللہُ تَعَالٰی