Book Name:Maula Ali ka Ishq e Rasool ma Ishq e Rasool kay Taqazay
بہتر ہے۔(اَلمُعجمُ الکبیر لِلطّبرانی ج ۶ ص ۱۸۵ حدیث ۵۹۴۲)
دو مَدَنی پھول:(۱)بِغیر اَچّھی نِیَّت کے کسی بھی عملِ خَیْر کا ثواب نہیں ملتا۔
(۲)جِتنی اَچّھی نیّتیں زِیادہ،اُتنا ثواب بھی زِیادہ۔
نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرَک کر دوسرے کے لیے جگہ کُشادہ کروں گا ٭دھکّا وغیرہ لگا تو صَبْر کروں گا، گُھورنے، جِھڑکنے اوراُلجھنے سے بچوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ وغیرہ سُن کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا ٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو! اَلْحَمْدُ لِلّٰہ عَزَّ وَجَلَّ رَمضانُ الْمُبارَک کا مُقدَّس مہینہ جاری و ساری ہے،اسی مہینے میں اَمِیْرُالْمُؤمنین حَضرتِ سَیِّدُنا علیُّ المرتضیٰ شَیرِخدا کَرَّمَ اللہُ تَعَالٰی وَجْہَہُ الْکَرِیْمکا یومِ شہادت بھی گزرا،اسی نسبت سے آج ہم ان کی ایک بہت ہی پیاری صفت ”عشقِ رسول“کے مُتَعَلِّق کچھ مدنی پُھول سننے کی سعادت حاصل کریں گے،آئیے اولاً ایک حِکایت سُنتے ہیں:
منقول ہے کہ ایک بار چند غیر مُسلِم اَمِیْرُالْمُؤمنین حَضرتِ سَیِّدُنا ابوبکرصِدّیق رَضِیَ اللہُ تَعَالٰی عَنْہکی خدمت میں حاضر ہوئے اورکہا: اپنے صاحب (پیارے آقا عَلَیْہِ السَّلَام) کی صفات بیان کریں!آپ رَضِیَ اللہُ تَعَالٰی عَنْہ نے اِرْشاد فرمایا:اے لوگوسُنو!میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے ساتھ غارِ ثور میں ایسے تھا جیسے یہ میری دو(2)ا نگلیاں،جبکہ حِرا پہاڑ پر میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے ساتھ چڑھا