صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

صحابۂ کرام اور عشقِ رسول :

          میٹھے میٹھے اسلامی بھائیو!یقیناًہمارے پیارے آقا، مکی مَدَنی مُصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّم کے تمام صحابہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے عشق و مَحَبَّت  میں سَرشار تھے،یہی وہ لوگ تھے جنہوں نے رَسُولُاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمکی مَحَبَّت میں اپنا گھر بار، مال واسباب،عزیز واَقربا اور رشتے ناطے سب قربان کر دئیے، یہی وہ لوگ تھے جنہوں نے رسولِ خدا صَلَّی اللہُ تَعَالٰی عَلَیْہِ وَاٰلِہٖ وَسَلَّم کی رِضا  کو ہمیشہ اپنی مرضی پر ترجیح دی، یہی وہ لوگ تھے جنہوں نے اپنے خُونِ جگر سے شجرِ اسلام کی آبیاری کی اور ساری دُنیا میں اسلام کا پرچم لہرا دیا۔

مولیٰ علی کا عشقِ رسول :

        انہی خُوش نصیبوں میں سے ایک اَمِیْرُالمؤمنین حَضرتِ سَیِّدُناعلیُّ المرتضیٰ شیرِ خدا کَرَّمَ اللہُ تَعَالٰی وَجْہَہُ الْکَرِیْمبھی ہیں،آپ رَضِیَ اللہُ تَعَالٰی عَنْہ سرکا ر  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے چچا زاد بھائی تھے،سیدِعالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم  کی زیرِ کفالت ہی آپ کا بچپن اورلڑکپن گُزرا ، اسی لیے مَولیٰ علی کَرَّمَ اللہُ تَعَالٰی وَجْہَہُ الْکَرِیْم سیّدِعالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم  کے کردار اور عادت واَطوارسے بے پناہ مُتاثر ہوکرپیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے والہانہ عقیدت و مَحَبَّت رکھتے تھے اور آقا عَلَیْہِ الصَّلٰوۃُ وَالسَّلَامکی ہر بات کو دل وجان سے قَبول کرتےتھے یہی وجہ تھی کہ جب پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم  نے انہیں اِسلام کی دعوت دی تو مولیٰ علی کَرَّمَ اللہُ تَعَالٰی وَجْہَہُ الْکَرِیْم نے قبول کرلی اور بچپن ہی سے سرکا ر عَلَیْہِ الصَّلٰوۃُ وَالسَّلَام کی مَعیَّت(ہمراہی) میں نماز پڑھنا شروع کردی اور یوں اسلام قَبول کرنے والے اوّلین اَفْراد  میں ان کا شُمار  ہونے لگا۔اسلام قبول کرنے کے بعد حضرتِ علی کَرَّمَ اللہُ تَعَالٰی وَجْہَہُ الْکَرِیْمکا رَسُولُاللہ صَلَّی اللہُ تَعَالٰی عَلَیْہِ