عَلَیْہِ وَاٰلِہٖ وَسَلَّم کی چند عاداتِ مُبارکہ بھی  بَیان  فرمائیں،پھروہ اشیا جنہیں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے استعمال فرما کر شرف بخشا ان کا تذکرہ کرنے کے ساتھ مولیٰ علی کَرَّمَ اللہُ تَعَالٰی وَجْہَہُ الْکَرِیْم نے ان کے نام بھی بتائے، لوگوں کے سوال کا جواب یہاں پر ختم ہوچکا تھا، لیکن اَمِیْرُ المؤمنین حضرتِ مولیٰ علی کَرَّمَ اللہُ تَعَالٰی وَجْہَہُ الْکَرِیْمنےآقا عَلَیْہِ الصَّلٰوۃُ وَالسَّلَامسے اپنی والہانہ مَحَبَّت،اُلفت اور عشق کا اظہار کرتے ہوئے فرمایا کہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّماپنے خدّوخال(شکل و صورت)،حُسن و جَمال اور عادات وخِصال میں بے مثل وبےمثال ہیں،”لَمْ اَرَ قَبْلَہٗ وَ لَا بَعْدَہٗ مِثْلَہٗ“ ان جیسا نہ تو پہلے دیکھااور نہ ہی بعد میں دیکھا۔

امامِ عشق ومحبت ،امام احمد رضاخان رَحْمَۃُ اللّٰہ ِتَعَالٰی عَلَیْہ  فرماتے ہیں:

لَمْ یَاتِ نَظِیْرُکَ فِیْ نَظَرٍ مِثلِ تو نہ شُد پیدا جانا

جگ راج کو تاج تورے سَرسو ہے تجھ کو شہِ دَوسَرا جانا

(حدائقِ بخشش:43)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

          میٹھے میٹھے اسلامی بھائیو!واقعی ہمارے آقا و مولیٰصَلَّی اللہُ تَعَالٰی عَلَیْہِ وَاٰلِہٖ وَسَلَّم کا مثل کوئی نہیں، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم تمام مخلوق میں مُنْفرد اور مُمتاز ہیں، اللہ عَزَّ  وَجَلَّکی ساری مخلوق میں سب سے افضل وا علیٰ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم ہی کی ذاتِ طَیِّبَہ ہے۔قرآنِ پاک اوراحادیثِ طَیِّبَہ میں کئی مقامات پراس بات کی تصریح فرمائی گئی ہے، چنانچہ اللہ عَزَّ  وَجَلَّ قرآنِ پاک میں اِرْشاد فرماتا ہے) وَ مَاۤ اَرْسَلْنٰكَ اِلَّا رَحْمَةً لِّلْعٰلَمِیْنَ(۱۰۷)) (پ۱۷، الانبیآء:۱۰۷) تَرجَمَۂ کنزُالایمان: اورہم نے تمہیں نہ بھیجا مگر رحمت سارے جہان کےلیے(سرکارِ اعلیٰ حضرت، مجدّدِدین و ملّت، پروانۂ شمعِ رسالت، مولانا شاہ امام احمد رضا خان رَحْمَۃُ اللّٰہ ِتَعَالٰی عَلَیْہ نے اس آیتِ مبارکہ کے تحت جو اِرْشاد فرمایا ہے اس کا خلاصہ یہ ہے: اللہ عَزَّ  وَجَلَّ کے سوا ہر شے کو عالَم کہتے ہیں، جس میں انبیاء اور ملائکہ بھی داخل ہیں تو یقیناً حُضُور عَلَیْہِ الصَّلٰوۃُ وَالسَّلَامان سب پربھی