رَضِیَ اللہُ عنہا کی کیسی نِرالی شان ہے...!! آپ کو یہ شرف حاصِل ہے کہ آپ نے دُنیا میں اسلام ظاہِر ہونے کے پہلے ہی دِن نماز سیکھ بھی لی اور ادا بھی فرمائی...!! سُبْحٰنَ اللہ!

اللہ پاک ہمیں بھی نماز کی محبّت نصیب فرمائے۔ کاش! ہم بھی نماز سیکھیں، نماز کے احکام، اس کے فرائض، شرائط، واجبات، سنتیں اور ظاہری، باطنی آداب سیکھیں اور کاش! پابندی کے ساتھ پانچوں وقت کی نماز باجماعت مسجد میں ظاہِری و باطنی آداب کا لحاظ رکھ کر پڑھنے والے بن جائیں۔

ہر عبادت سے بَرتَر عبادت نَماز                                                       ساری دولت سے بڑھ کر ہے دولت نَماز

قلبِ غمگیں کا سامانِ فَرحت نَماز                                                       ہے مریضوں کو پیغامِ صِحَّت نَماز

نارِ دوزخ سے بے شک بچائے گی یہ                              ربّ سے دِلوائے گی تم کو جنَّت نَماز

پیارے آقا کی آنکھوں کی ٹھنڈک ہے یہ             قلبِ شاہِ مدینہ کی راحت نَماز

بھائیو! گر خُدا کی رِضا چاہئے                                                                                    آپ پڑھتے رہیں باجماعت نَماز

صَلُّوْا عَلَی الْحَبیب!                  صَلَّی اللّٰہُ عَلٰی مُحَمَّد

حضرت خدیجۃُ الکبریٰ رَضِیَ اللہُ عنہا کے 2 اعلیٰ اَوْصاف

پیارے اسلامی بھائیو! حضرت خدیجۃُ الکبریٰ رَضِیَ اللہُ عنہا کی پاکیزہ سیرت میں ہمارے لئے سیکھنے کی بہت ساری باتیں ہیں۔ خصوصاً آپ کے 2 بہت اعلیٰ اوصاف جو آپ کی سیرت میں بہت نمایاں ہیں اور آج ہمیں یہ دونوں اوصاف اپنانے کی بہت ضرورت ہے۔

(1):عشقِ رسول

ان میں سے پہلا وَصْف ہے: حضرت خدیجۃُ الکبریٰ رَضِیَ اللہُ عنہا کاعشقِ رسول۔ آپ رَضِیَ اللہُ عنہا پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم سے بطورِ آخری نبی بےپناہ