بیان سننے کی نیتیں

حدیثِ پاک میں ہے: اِنَّمَا الْاَعْمَالُ بِالنِّیّات اَعْمَال کا دار ومدار نیتوں پر ہے۔^([1])

پیارے اسلامی بھائیو! اچھی نیّت بندے کو جنّت میں پہنچا دیتی ہے، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے: *رِضَائے اِلٰہی کے لئے بیان سُنوں گا*عِلْمِ دین سیکھوں گا *پورا بیان سُنوں گا *ادب سے بیٹھوں گا *نصیحت حاصِل کروں گا *اَحْمَدِ مجتبیٰ، مُحَمَّد مصطفےٰ صَلَّی اللہُ عَلَیْہِ وَ آلِہٖ وَ سَلَّم  کا نامِ پاک سُن کر درودِ پاک پڑھوں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

شور وغُل سے پاک مَحل کی بِشارت

حدیثِ پاک کی سب سے معتبر اور بہت ہی مشہور کِتَاب بخاری شریف میں ایک روایت ہے، جس میں ایک ایمان افروز واقعہ بیان ہوا، واقعہ اُن دِنوں کا ہے جب ہمارے پیارے آقا، مکی مدنی مصطفےٰصَلَّی اللہُ عَلَیْہِ وَ آلِہٖ وَ سَلَّم غارِ حِرا میں تشریف لے جایا کرتے تھے۔^([2]) ایک دِن یُوں ہوا کہ پیارے نبی، رسولِ ہاشمیصَلَّی اللہُ عَلَیْہِ وَ آلِہٖ وَ سَلَّم غارِ حِرا میں تشریف فرما تھے، حضرت جبریلِ امین عَلَیْہ ِالسَّلام بھی بارگاہِ رسالت میں حاضِر تھے، اتنے میں مسلمانوں کی پیاری اَمِّی جان، رسولِ اکرم، نُورِ مُجَسَّم صَلَّی اللہُ عَلَیْہِ وَ آلِہٖ وَ سَلَّم کی زوجہ محترمہ حضرت خدیجۃُ الکبریٰ رَضِیَ اللہُ عنہا دُور سے آتی ہوئی دِکھائی دِیں۔ آگے کیا ہوا؟ بخاری شریف کی حدیثِ پاک سنیئے! صحابئ رسول حضرت ابوہریرہ رَضِیَ اللہُ عنہ فرماتے ہیں: حضرت جبریلِ امین عَلَیْہ ِالسَّلام نے خدیجۃُ الکبریٰ رَضِیَ اللہُ عنہاکو دیکھا تو عرض کیا: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم ! یہ خدیجہ آ رہی ہیں، ان کے