اللہ عنہما بلکہ قیامت تک آنے والے سب سید زادوں کی نانی جان ہیں۔

نبوت کے دسویں سال، رَمَضَانُ الْمُبَارَک کی 10 تاریخ کو حضرت خدیجۃُ الکبریٰ رضی اللہ عنہا کا انتقال ہوا بوقتِ وفات آپ کی عمر مُبارَک 65 برس تھی۔^([1]) آپ کا مزار مبارک مکہ مکرمہ کے مشہور قبرستان جنّت المعلیٰ میں ہے۔

وہ اُمُّ الْمُسْلِمِیں جو مادرِ گیتی کی عزت ہے                                وہ اُمُّ الْمُسْلِمِیں قدموں کے نیچے جس کے جنت ہے

خدیجہ طاہرہ یعنی نبی کی باوفا بی بی                                                                  شریکِ راحت و اندوہ پابندِ رضا بی بی

دیارِ جاودانی کی طرف راہی ہوئیں وہ بھی                              گئیں دنیا سے آخر سوئے فردوسِ بریں وہ بھی^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

چار افضل جنّتی خواتین

حضرت عبد الله بن عبّاس رَضِیَ اللہُ عنہمافرماتے ہیں:ایک بار پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے زمین پر چار لکیریں کھینچ کر فرمایا: تم جانتے ہو یہ کیا ہیں؟ صحابۂ کِرام رَضِیَ اللہُ عنہم نے عَرْض کی:اَللہُ وَ رَسُوْلُہ اَعْلَمُ یعنی اللہ پاک اور اس کا رسولصَلَّی اللہُ عَلَیْہِ وَ آلِہٖ وَ سَلَّم بہتر جانتے ہیں۔فرمایا: جنّتی عورتوں میں سب سے زِیادہ فضیلت والی یہ عورتیں ہیں: (1):خَدِیجَہ بنتِ خُوَیْلِد یعنی حضرت خدیجۃُ الکبریٰ رَضِیَ اللہُ عنہا(2):فاطِمہ بنتِ مُحَمَّد (3):فرعون کی بیوی آسیہ بنتِ مُزَاحِم (4):اورحضرت عیسیٰ عَلَیْہ ِالسَّلام کی والدہ محترمہ حضرتمَرْیَم بنتِ عِمْرَان(رَضِیَ اللہُ عنہن )۔ ^([3])