اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                                وَعَلٰی اٰلِكَ وَ اَصْحٰبِكَ یَا نُوْرَ اللہ

 نَـوَیْتُ سُنَّتَ الاعْتِکَاف   (ترجَمہ:میں نے سنّتِ اعتکاف کی نیّت کی)

جب بھی مسجد میں داخِل ہوں، یاد آنے پر نفلی اِعْتکاف کی نِیَّت فرما لِیا کریں، جب تک مسجد میں رہیں گے، نفلی اِعْتکاف کا ثواب حاصِل ہوتا رہے گا اور ضِمناً  مسجد میں کھانا، پینا بھی جائز ہو جائے گا۔

دُرُود شَرِیف کی فضیلت

ابوعَرُوبہ الحراثی رَحْمَۃُ اللّٰہ ِتَعَالٰی عَلَیْہ کا معمول تھا کہ آپ کے سامنے جب کوئی احادیث پڑھتا تو آپ دُرُود و سلام پڑھے بغیر نہ رہتے اور خُوب ظاہر کر کے پڑھتے اور کہا کرتے کہ حدیث شریف پڑھنے کی ایک بَرَکت یہ ہے کہ دُنیا میں  کثرت سے دُرُود و سلام پڑھنے کی سعادت ملتی ہے اورآخرت میں اِنْ شَآءَ اللہ عَزَّ  وَجَلَّ جَنَّت  کی نعمتیں  ملیں  گی۔(سعادۃ الدارین،الباب الخامس فی المواطن التی تشرع فیہاالصلاۃ…الخ، ص۱۹۸)

گندے نکمّے کمین مہنگے ہوں کوڑی کے تین            کون ہمیں پالتا تم پہ کروروں درود

(حدائقِ بخشش،ص۲۷۰) 

مختصر وضاحت:اے میرے آقا!آپ کی کرم نوازی ہے کہ آپ نے ہم جیسے نکمّوں کو اپنی غلامی میں قبول فرمایا ، ورنہ ہم تو ایسے نکمےّ  اور ناکارہ اور گندے ہيں کہ ہم جیسوں کو کوئی ايک کوڑی کے تین تین بھی نہ خريدے، اگر آپ ہمارے سر پر نہ ہوتے تو ہمیں کون منہ لگاتا؟ ۔

صَلُّوْا عَلَی الْحَبِیْب!                     صَلَّی اللّٰہُ تَعَالٰی عَلٰی مُحَمَّد