Book Name:Subha Kis Hal Me Ki?
پاک کی نافرمانی نہ ہو۔([1]) *حضرتِ مالِک بن دِینار رَحمۃُ اللہ عَلَیْہ سے کسی نے پوچھا: آپ نے صُبْح کیسے کی؟ فرمایا: اُس شخص کی صُبْح کس حال میں ہوگی جو ایک گھر (یعنی دنیا) سے دوسرے گھر (یعنی آخرت) کی طرف جانے والا ہو اور کچھ پتا نہ ہو کہ جنت میں جانا ہے یا دوزخ ٹھکانا ہے۔([2])
پیارے اسلامی بھائیو! یہ نیک لوگوں کی نیک صبحیں ہیں، ان کی کیفیات کیسی نرالی ہیں، یہ ڈرتے ہیں، موت کو سامنے دیکھتے ہیں، آخرت کی فِکْر کرتے ہیں، صُبْح اُٹھتے ہی اپنے گُنَاہوں کو یاد کرتے ہیں، ویسے دِن رات، صُبْح شام نیکیاں ہی نیکیاں کرتے ہیں، اس کے باوُجُود نیکیوں کی کمی پر حسرت کرتے ہیں۔ ایک طرف ہم گنہگار ہیں؛ نہ صُبْح کو قبر و آخرت کا خیال آتا ہے، نہ شام کو اللہ پاک کی یاد آتی ہے...!! آہ! کاش! ہمیں نیکی کی رَغبت مل جائے، کاش! قبر و آخرت کی فِکْر نصیب ہو جائے! کاش! خوفِ خُدا نصیب ہو جائے، کاش! ہماری صُبْح و شام کی کیفیات سنور جائیں...!!
صَلُّوْا عَلَی الْحَبِیْب! صَلَّی اللہ عَلٰی مُحَمَّد
پیارے اسلامی بھائیو! ہمیں اپنی صُبْح کی کیفیات پر غور بھی کرنا چاہئے اور ان کو سنوارنے کی کوشش بھی ضرور کرنی چاہئے۔ یہ کیسے ہو گا؟ کون کون سی پیاری کیفیات ہمیں اپنانی ہیں؟ آئیے! نیک لوگوں کی نصیحتیں سُنتے ہیں: