بیان کو اِختتام کی طرف لاتے ہوئے ایک شرعِی مسئلہ عرض کرتا ہوں:

درست کیا ہے؟

(درست شرعی مسئلہ اور عوام میں پائی جانے والی غلط فہمی کی نشاندہی)

مسئلہ: کسی کے انتقال کے بعد پہلی عید پر سوگ منانا ناجائز و حرام ہے۔

وضاحت: لوگوں میں یہ بات مشہور ہے کہ کسی قریبی رشتہ دار (یعنی ماں، باپ، شوہر یا بھائی ) کے فوت ہوجانے کے بعد سوگ کی وجہ سے پہلی عید پر خوشیاں منانا اور نئے کپڑے وغیرہ پہننا درست نہیں سمجھا جاتا،یہ بات محض غلط ہے،سوگ کی وجہ سے نئے کپڑے نہ پہننا اور بدحالی ظاہر کرنا، ناجائز و حرام ہے کیونکہ تین دن کے بعد سوگ منانا حرام ہے،^([1]) نور کے پیکر   صلی اللہ عَلَیْہِ وَ آلِہٖ وَسَلَّم   کا فرمان ہے:کسی بھی میت پر تین دن سے زیادہ سوگ منانا  جائز نہیں، سوائےبیوہ کے  وہ اپنےشوہر کے انتقال پر   4ماہ 10دن سوگ منائے گی۔^([2])

نوٹ: سوگ منانا منع ہے، ہاں! اپنے پیاروں کی یاد میں رونا آجانا، دِل بھر آنا فطری محبّت ہے، اس میں حرج نہیں۔اللہ پاک ہمیں دُرست اسلامی اَحْکام سیکھنے اور ان پر عمل کرنے کی توفیق نصیب فرمائے۔

 اٰمِیْن بِجَاہِ خَاتَمِ النَّبِیّٖن   صلی اللہ عَلَیْہِ وَ آلِہٖ وَسَلَّم   ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

قحط سالی کا روحانی علاج^(وظیفہ)

بِسْمِ  اللہ  الرَّحْمٰنِ الرَّ حِیْم ^ط

اگر قحط سالی ہو (یعنی بارش نہ ہو رہی ہو)تو بِسْمِ  اللہ  الرَّحْمٰنِ الرَّ حِیْم ^ط 61 بار پڑھیں (پھر دعاء کریں ) اِنْ شَآءَ اللہ الْکَرِیْم!  بارش ہو گی۔^([3]) اللہ پاک ہمیں عمل کی توفیق عطا فرمائے۔ اٰمِیْن بِجَاہِ  خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد