Book Name:ALLAH Malik Hai
اے عاشقانِ رسول! صحابۂ کرام رَضِیَ اللہ عنہم کی بلند شان و عظمت دیکھیے کہ صحابی رَضِیَ اللہ عنہ نے اللہ پاک کے پیارے پیارے اور برکت والے ناموں کے ذریعے دُعا کی تو چوتھے آسمان کا فرشتہ اُن کی مدد کے لیے آ گیا۔ سُبْحٰنَ اللہ! سُبْحٰنَ اللہ!
ہر صحابئ نبی! جنّتی جنّتی سب صحابیات بھی! جنّتی جنّتی
چار یارانِ نبی! جنّتی جنّتی حضرت صِدِّیق بھی! جنّتی جنّتی
اور عمر فاروق بھی! جنّتی جنّتی عثمانِ غنی! جنّتی جنّتی
فاطمہ اور علی! جنّتی جنّتی ہیں حَسَن حُسَین بھی! جنّتی جنّتی([1])
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو! اللہ پاک ہمارا مالِک ہے، یہ یقین، یہ عقیدہ اپنے دِل میں پختہ کر لیجیے! اِنْ شَآءَ اللہ الْکَرِیْم! خیر ہی خیر رہے گی۔ ایک حیرت انگیز واقعہ سنیے!
حَجّاج بن یُوسُف اپنے وقت کا بہت ظالِم حکمران تھا۔ اُس بدبخت نے کئی صحابۂ کرام علیہمُ الرّضوان کو شہید کیا۔ بہت ظُلْم ڈھائے۔ حضرت انس بن مالِک رَضِیَ اللہ عنہ صحابئ رسول ہیں، حَجّاج بن یُوسُف کئی دِن تک انتظار کرتا رہا، بےچین تھا کہ کب انس بن مالِک میرے قابُو میں آئیں اور میں انہیں شہید کردُوں۔
آخر ایک مرتبہ اُس کی بُری تمنا پُوری ہو ہی گئی۔ حَجّاج بن یُوسُف نے سپاہی بھیجے، وہ حضرت انس بن مالِک رَضِیَ اللہ عنہ کو گرفتار کر کے لے آئے۔ اب حضرت انس بن مالِک رَضِیَ اللہ عنہ حَجّاج بن یُوسُف کے سامنے تھے۔ حَجّاج بولا: اَنس! کیا جانتے ہو میں نے تمہیں