پاک ہے میرا بلند و بالا رَبّ...!!^([1])

اللہ! اللہ! پیارے اسلامی بھائیو! غور فرمائیے! کتنی بڑی کائنات ہے، پِھر عرشِ اِلٰہی...!! کتنی بڑی مخلوقات ہیں، میرا پاک پروردگار وہ ہے جو اکیلا ہی اِن سب مخلوقات کا نظام چلا رہا ہے اور اِس شان سے چلا رہا ہے کہ اِن کی حفاظت اس رَبِّ کریم کو تھکا نہیں سکتی ہے۔ اللہ اکبر! محض تھکنا تھکانا تو ہم کمزوروں کی بات ہے، وہ مالکِ کریم تو کُنْ فرما کر ایسی ہزارہا دُنیائیں بھی بنا سکتا ہے۔

تُو ہی مالِکِ بَحر و بَر ہے یااللہ! یااللہ!

تُو ہی خالِقِ جِنّ و بَشَر ہے یااللہ! یااللہ!

تُو اَبَدی ہے، تُو اَزَلی ہے، تیرا نام عَلِیْم و عَلی ہے

ذات     تِری    سب     سے     بَرتَر     ہے     یااللہ!       یااللہ!^([2])

بندہ بھی ہوں تو کیسے بڑے کارساز کا

پیارے اسلامی بھائیو! اِس آیتِ کریمہ سے رَبِّ کریم کی عظمت و شان تو مَعْلُوم ہوتی ہی ہے، ساتھ ہی ساتھ ڈھارس بھی بندھتی ہے۔ سُبْحٰنَ اللہ! ہم کیسے نصیب والے ہیں، ہمارا مالِک تمام جہانوں کا رَبّ ہے۔ مولانا حَسَن رضا خان صاحِب  رحمۃُ اللہ علیہ  لکھتے ہیں نا؛

کیونکر نہ میرے کام بنیں غیب سے حَسَؔن

بندہ       بھی      ہوں      تَو      کیسے      بڑے      کارساز      کا^([3])

وضاحت:وہ خالِقِ کریم جو کُنْ فرما کر دُنیا تخلیق فرما دے، جو اتنی بڑی کائنات کو بنانے والا،