Book Name:Nuqsan Uthane Walay Log
الله پاک فرمائي:
الَّذِیْنَ یَنْقُضُوْنَ عَهْدَ اللّٰهِ مِنْۢ بَعْدِ مِیْثَاقِهٖ۪-
ترجمهٴ کنزُ العِرفان: هٰغه خلق چې د الله وعده پس د پخيدلو نه ماتوي۔
(1): دا وړومبے عيب دے: د الله پاک سره وعده کول او ماتول۔ د الله پاک سره وعده څۀ ده؟ د دې د ماتولو څۀ مطلب دے؟ د دې يوه معنیٰ علمائے کرامو رَحْمَةُ اللهِ عَلَيْهم بيان کړې ده چې د الله پاک د وعدې نه مُراد دے: د هغۀ احکام او د هغۀ د وعدې د ماتولو مطلب دے: د الله پاک نافرماني کول۔ ([1]) مثلاً الله پاک د نـمونځ کولو حکم کړے دے نو نـمونځ نۀ کول، الله پاک د روژې حکم کړے دے نو روژه نۀ نيول، دغه شان چې څومره نور احکام مونږ له راکړے شوي دي، هغه نۀ پوره کول، د څومره خبرو نه چې مونږ منع کړے شوي يو، د هغې نه نۀ منع کيدل د الله پاک سره د شوې وعدې ماتول دي۔ نور اِرشاد دے:
وَ یَقْطَعُوْنَ مَاۤ اَمَرَ اللّٰهُ بِهٖۤ اَنْ یُّوْصَلَ
ترجمهٴ کنزُ العِرفان: او هٰغه څيز پريکوي د کوم څيز د يو ځائے کولو چې الله حکم کړے دے۔
(2): دا دويم عيب دے: هره هٰغه رشته، هر هٰغه تعلق د کوم چې الله پاک د ساتلو حکم کړے دے، هغه ماتول۔ ([2]) مثلاً مونږ ته د مور او پلار سره د رشتې پاللو حکم دے، د مور او پلار سره تعلق پريښودل، د خوئيندو او وروڼو سره د نيک سلوک حکم دے، د هغوئي سره تعلق پريښودل، د نورو خپل خپلوانو مثلاً کشر ترۀ، مشر ترۀ، د پلار د طرفه د ترور، د مور د طرفه د ترور وغيره سره د تعلق ساتلو حکم دے، د هغوئي سره تعلق