سُبْحٰنَ اللہ! څومره ښکلے شان دے۔۔۔!! د حضرت يُوسُف عَلَیْهِ السَّلَام وروڼو وروستو توبه کړې وه، هغوئي ټول د يو نبي حضرت يعقوب عَلَیْهِ السَّلَام ځامن او د يو نبي حضرت يُوسُف عَلَیْهِ السَّلَام وروڼه او ټول وَليان وو خو غور اوکړئ چې هغوئي حضرت يُوسُف عَلَیْهِ السَّلَام ته څنګه څنګه غمونه رسولي وو، د دې باوجود د حضرت يُوسُف عَلَیْهِ السَّلَام کمال اخلاقو ته اوګورئ! د هغوئي سره طاقت وو، هغوئي د مِصر عزيز (يعنې د مِصر بادشاه) وو، که هغوئي غوښتلے نو د هغوئي نه يـې بدله اخستے شوه خو حضرت يُوسُف عَلَیْهِ السَّلَام هغوئي معاف کړل۔

ځکه مونږ ته هم هِمت کول پکار دي! نن چې همت اوکړئ، خپله اَنَا ختمه کړئ، د صبر نه کار واخلئ او خفګانونه ختم کړئ، د صلح طرف ته لاړ شئ نو اِنْ شَآءَ اللہُ الْکَرِیم! د دِين او د دُنيا خيرونه به مو نصيب شي۔

د صِله رحمۍ 10 فائدې

حضرت ابو اللَّيث سمر قندي رَحْمَةُ اللهِ عَلَيْه فرمائي: د صِلَۀ رحمۍ کولو 10 فائدې دي: (1): د اللہ پاک رضا حاصليږي (2): د خلقو د خوشحالۍ سبب دے (3): فرښتے پرې خوشحاليږي (4): د مسلمانو د طرف نه د هٰغه کَس تعريف کيږي (5): شیطان ته پۀ دې باندې تکليف ميلاؤيږي (6): عمر ورسره زياتيږي (7): پۀ رِزق کښې برکت راځي (8): وفات شوي مسلمانان پلار نيکونه خوشحاليږي (9): پۀ خپل مينځ کښې محبت زياتيږي (10): د وفات نه پس د هغۀ پۀ ثواب کښې اضافه کيږي، ځکه چې خلق د هغۀ پۀ حق کښې د خير دعاګانې کوي۔ ^([1])

الله پاک دې مونږ ته د صِله رحمۍ کولو، د رشتو جوړولو، د خلقو سره د نيک سلوک