* د بره نه تر ښکته پورې پۀ هر ځائے کښې سود دے، مونږه د دې نه څنګه بچ کيدے شو؟ * نن سبا پۀ دوکه کار چليږي، چې دومره رښتونے جوړ شې نو رزق به د کوم ځائے نۀ ګټې وغيره وغيره جملې دلته وئيلے کيږي، پۀ داسې قِسمه جملو وئيلو باندې خلق پۀ ګناهونو باندې راپارولے کيږي، دا هم د ګناهونو د رائج کولو يو شکل دے * داسې د ټي وي چينل، يوټيوب، فيس بُک، سوشل ميډيا وغيره پۀ ذريعه باندې ګناهونه مشهورول، د دې ترغيب ورکول، بے پردګي، پۀ چا پورې خبري  کول، ټوقې ټقالې کول، سندرې سازونه وغيره د ماډرن زمانې ضرورت ګرځول وغيره دا ټول د ګناهونو د رائج کولو صورتونه دي کوم چې زمونږه پۀ معاشره کښې عام دي۔

پۀ زمکه کښې فساد مۀ جوړوئ۔۔۔!!

الله پاک پۀ قرآنِ کريم کښې فرمائي:

وَ لَا تُفْسِدُوْا فِی الْاَرْضِ بَعْدَ اِصْلَاحِهَا (پارہ:8، سورۀ الاعراف:56)

ترجمهٴ کنزُ العِرفان: او پۀ زمکه کښې د هغې د اِصلاح نه پس فساد مۀ جوړوئ۔

يعنې الله پاک رسولان راوليږل، د شريعت احکام بيان کړے شو، د نيک کارونو دعوت ورکړے شو، د ګناهونو نه منع کړے شو، اوس پۀ ګناه او سرکشۍ کولو، نور د ګناهونو طرف ته پۀ رابللو پۀ زمکه کښې فساد مۀ جوړوئ! ^([1])

د خير او د شَر کُنجيانې

د رسول الله صَلَّى اللهُ عَلَيْهِ وَاٰلِهٖ وَسَلَّم د خادم، حضرت اَنَس بن مالِک رَضِىَ اللهُ عَـنْهُ نه روايت دے، د الله پاک اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: بے شکه پۀ خلقو کښې څۀ خلق دي کوم چې د خير کُنجيانې دي او د بدۍ تالې دي او بعضې هٰغه