Book Name:Nuqsan Uthane Walay Log
وحې وليږله، اوئې فرمائيل: اے موسیٰ! کرونده وکړه! حضرت موسیٰ عَلَیْهِ السَّلَام کرونده اوکړه (مثلاً غنم يـې وکرل)۔ الله پاک وفرمائيل: اے موسیٰ! اوس دا وريبه! حضرت موسیٰ عَلَیْهِ السَّلَام فصل وريبلو۔ بيا حکم وشو: دانې او بوس بيل بيل کړه! حضرت موسیٰ عَلَیْهِ السَّلَام دا حکم هم پوره کړو۔ بيا حکم وشو: دانې صفا کړه! دانې صفا کړے شوې۔ بيا الله پاک وفرمائيل: اے موسیٰ! باقي څۀ پاتې شو؟ عرض وکړے شو: صرف بوس پاتې شو، پۀ کوم کښې چې هيڅ خير نشته ۔ الله پاک وفرمائيل: اے موسیٰ! دغه شان به زۀ هم پۀ خپل مخلوق کښې صرف هغوئي له عذاب ورکووم پۀ کومو کښې چې هيڅ خير نۀ وي۔ ([1])
اَللہُ اَکْبَر! دا دے خاسِر بنده، نقصان کوونکے بنده، د الله پاک د رحمت نه محروم بنده۔۔۔!! د دۀ حيثيت څۀ دے؟ دا د خالي بوسو پۀ شان دے، پۀ کوم کښې چې هيڅ خير نشته۔ الله پاک دې مونږ د داسې نقصان نه بچ کړي! درې عيبونه دي کوم چې انسان داسې بے کاره جوړوي:
وړومبے عيب دے: د الله پاک نافرماني کول، هغه چې د څۀ د کولو حکم اوکړو، هغه نۀ کول، د څۀ د نۀ کولو حکم يـې چې کړے، پۀ هٰغه کارونو کښې اخته کيدل۔ ياد ساتئ چې د الله او د رسول نافرماني د ذِلت او رسوايۍ سبب دے، کوم بنده چې د الله پاک نافرمانۍ کوي، نۀ توبه کوي، د الله پاک طرف ته رجوع نۀ کوي، هغه د الله پاک پۀ بارګاه کښې ذليله او رسوا کيږي او د الله پاک پۀ بارګاه کښې د هغۀ هيڅ حيثيت نۀ پاتې کيږي او کوم بنده چې د الله پاک پۀ بارګاه کښې ذليله او رسوا شي، د چا چې د الله پاک پۀ بارګاه کښې څۀ حيثيت پاتې نۀ شي، د هغۀ پۀ يو ځائے کښې هم عزت نۀ نصيب کيږي۔ پۀ 17 سيپاره، سورۀ حج، آيت: 18 کښې اِرشاد دے: