نشو کولے نو فون ورته اوکړو يا پۀ څۀ طريقه د هغۀ سره صلح اوکړو۔ پۀ صلح کولو کښې چې د ټولو نه کوم غټ خنډ [يعنې رکاوټ] دے، هغه زمونږه اَنَا ده۔ دا اَنَا يو طرف ته کړئ! که ستاسو غلطي نۀ وي نو هيڅ خبره نۀ ده بيا هم سر ټيټ کړئ! اِنْ شَآءَ اللہُ الْکَرِیم! ثواب به مو کيږي۔

پۀ حق باندې د کيدلو باوجود د جګړې پريښودو فضيلت

د الله پاک د اخري نبي صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: څوک چي پۀ حق باندې وي او جګړه ختمه کړي زۀ د هغۀ د پاره د جنَّت پۀ غاړه د يو کور ضمانت ورکووم۔ ^([1])

فلانکي زما سره ډير زياتے کړے دے

کله چې د رشتې د جوړولو، د جنګ جګړو او د خفګانونو د ختمولو خبره وي نو خلق عام طور ګيلې کوي چې فلانکي زما سره داسې اوکړل، هغه ما ته دا خفګان راورسولو، هٰغه ظُلم يـې اوکړو، زۀ به خپل هٰغه غمونه څنګه هير کړم، هغه څنګه معاف کړم۔۔۔؟

د داسې اِسلامي وروڼو نه يوه پوښتنه ده؟ ستاسو د خبرې مطابق فلانکي ستاسو سره ډير ظُلم کړے دے، ډير زياتي يـې درسره کړي دي، لږ ووايئ چې آيا هغوئي تاسو کوهي ته غورځولي يۍ؟ آيا د هغوئي پۀ وجه تاسو د خپل مور او پلار نه جدا شوي يۍ؟ آيا د هغوئي پۀ وجه تاسو پۀ بازار کښې خرڅ کړے شوي يۍ؟ آيا د هغوئي پۀ وجه تاسو بر ناحقه جيل تير کړے دے؟ دا هر څۀ د حضرت يُوسُف عَلَیْهِ السَّلَام وروڼو د هغوئي سره کړي وو۔ د دې باوجود چې کله هٰغه وروڼه د حضرت يُوسُف عَلَیْهِ السَّلَام مخې ته راغلل نو هغوئي څۀ وئيلي وو؟

قَالَ لَا تَثْرِیْبَ عَلَیْكُمُ الْیَوْمَؕ- (پارہ:13، سورۀ یوسف:92)

ترجمهٴ کنزُ العِرفان: نن پۀ تاسو هيڅ ملامتيا نشته۔