خوشیاں تھیں، اگرچہ انسانوں کی اکثریت(Majority) اس وَقْت کفر وشرک میں مبتلا تھی مگر اللہ  پاک  نے میلادِ مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا ذِکْر بلند کیا۔

حضرت عباس رَضِیَ اللہُ تَعَالٰی عَنْہُ نے بصورتِ اشعار میلاد پڑھا

پیارے اسلامی بھائیو! یاد رکھئے! مِیْلادِ مصطفےٰ منانا، مِیْلاد کے نام پر خوشی منانا، اس موقع پر پیارے آقا، مکی مدنی مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے ذِکْر کی محافِل سجانا کوئی نئی بات نہیں ہے، الحمد للہ ! مسلمان شروع ہی سے اپنے زمانے کے تقاضوں کے مطابق یہ نیک کام کرتے آئے ہیں۔ صحابۂ کرام علیہمُ الرّضوان  نے بھی ذِکْرِ میلاد کی محافِل سجائی ہیں۔ حُصُولِ برکت کے لئے صِرْف ایک واقعہ سن لیتے ہیں۔ روایات میں ہے: رسولِ انور، شاہِ بحر و بر صَلَّی اللہُ تَعَالٰی عَلَیْہِ وَاٰلِہٖ وَسَلَّمَ غزوۂ تبوک سے واپس تشریف لائے، اس وَقْت حضرت عباس بن عبد المطلب رَضِیَ اللہ  عنہما نے ذِکْرِ میلاد پر اپنے لکھے ہوئے چند اشعار پڑھنے کی اجازت چاہی، سرکارِ عالی وقار، مکی مدنی تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اجازت عطا فرمائی تو آپ نے اپنے قصیدۂ مِیْلاد کے اشعار پڑھے، ان میں سے چند اشعار یہ ہیں:

قَبْلَهَا طِبْتَ فِي الظِّلَالِ وَفِي                                                                                                   مُسْتَوْدَعٍ حَيْثُ يَخْصِفُ الْوَرِقُ

آپ ولادت سے پہلے سایوں میں تھے یعنی جنت کے اندر، حضرت آدم عَلَیْہِ السَّلَام کی پشت میں

ثُمَّ هَبَطَتَ الْبِلَادُ لَابَشَرٌ                                                                                                              اَنْتَ وَلَا مُضْغَةٌ وَلَا عَلَقُ

پھر پشتِ آدم ہی میں زمین پر اترے، تب آپ نہ انسانی صُورت تھے، نہ مُضْغَہ نہ عَلَقَہ(یہ حمل کے ابتدائی دنوں میں بچے کی 2 حالتوں کے نام ہیں)

بَلْ نُطْفَةٌ تَرْكَبُ السَّفِينَ وَقَدْ                                                                                   اَلْجَمَ نَسْرًا وَأَهْلَهُ الْغَرَقُ