اولادِ اطہار کی تعداد

پیارے اسلامی بھائیو! ہم نے سُنا ! آلِ نبی کی مَعْرِفت (یعنی پہچان مثلاً ان کے بارے میں معلومات حاصِل کرنا، ان کی قدر پہچاننا وغیرہ) دوزخ سے نجات کا ذریعہ ہے۔آئیے! اَولادِ مصطفےٰ کے متعلق تھوڑی سی معلومات حاصل کرتے ہیں:

 عُلَماءِ کرام کا اتفاق ہے کہ تاجدارِ رسالت، شہنشاہِ نبوت  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی شہزادیاں  4 ہی ہیں (نہ 3 ہیں، نہ 5)۔  البتہ شہزادوں کی تعداد میں اختلاف  ہے۔ زیادہ تَر عُلَمائے کرام یہ فرماتے ہیں کہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی اَوْلادِ پاک کی تعداد 7 ہے۔ ان میں 4 شہزادیاں ہیں: (1):حضرت زینب (2):حضرت رقیہ (3):حضرت اُمِّ کلثوم اور (4): حضرت فاطمۃ الزہراء رَضِیَ اللہُ تَعَالٰی عَنْہُ ن۔ اور 3 شہزادے ہیں:  (5): حضرت قاسِم (6):حضرت عبد اللہ  اور (7):حضرت ابراہیم رَضِیَ اللہُ تَعَالٰی عَنْہُم ۔

حُضُورِ اَقْدَس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کے سب شہزادے چھوٹی عمر ہی میں وفات پا گئے تھے جبکہ شہزادیاں زیادہ عرصے تک زِندہ رہیں، حضرت زینب، حضرت رقیہ اور حضرت اُمِّ کلثوم رَضِیَ اللہُ تَعَالٰی عَنْہُ ن تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی ظاہِری زندگی مبارک ہی میں وفات پا گئی تھیں، چوتھی شہزادی حضرت فاطمۃ الزہراء رَضِیَ اللہُ تَعَالٰی عَنْہُا آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کے وِصَالِ ظاہِری کے بعد تک زندہ رہیں، پہلی تینوں شہزادیوں کی اولاد سے نسل آگے نہ بڑھ سکی صِرْف حضرت فاطمۃ الزہراء رَضِیَ اللہُ تَعَالٰی عَنْہُا  ہی سے آگے اَوْلاد چلی۔ اب دُنیا میں جتنے سید ہیں، وہ سب حضرت امامِ حَسن مجتبیٰ اور حضرت امامِ حُسَین رَضِیَ اللہُ تَعَالٰی عَنْہُما  کی اَوْلاد سے ہیں۔

اَوْلادِ مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کے متعلق تفصیلی معلومات کے لئے مکتبۃ المدینہ کی