یہاں ایک مسئلہ سمجھ لیجئے! فِرشتوں اور نبیوں کے عِلاوہ کسی پر بھی مستقل طَور پر درُوْد پڑھنا جائِز نہیں،^([1])  اَہْلِ بیتِ اَطْہار، صحابۂ کرام، اَوْلیائے کرام وغیرہ پر درُوْد بھیجنا ہو تو اس کا طریقہ یہ ہے کہ پہلے نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ پر درُوْد بھیجیں، پِھر آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے تابِع رکھ کر چاہے اَہْلِ بیت، صحابہ، اَوْلیا وغیرہ سب کا ذِکْر کر لیجئے! مثلاً یُوں پڑھیئے!

اَللّٰہُمَّ صَلِّ عَلٰی مُحَمَّدٍوَّ عَلٰی آلِہٖ وَ اَصْحَابِہٖ وَ اَوْلِیَاءِ مِلَّتِہٖ اَجْمَعِیْن۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

قَالَ  اللہ  تَبَارَکَ وَ تَعَالٰی فِی الْقُرْآنِ الْکَرِیْم( اللہ  پاک قرآنِ کریم میں فرماتا ہے):

قُلْ لَّاۤ اَسْــٴَـلُكُمْ عَلَیْهِ اَجْرًا اِلَّا الْمَوَدَّةَ فِی الْقُرْبٰىؕ-وَ مَنْ یَّقْتَرِفْ حَسَنَةً نَّزِدْ لَهٗ فِیْهَا حُسْنًاؕ-اِنَّ اللّٰهَ غَفُوْرٌ شَكُوْرٌ (۲۳)) پارہ:25، الشُوْرٰی:23)

صَدَقَ  اللہ  الْعَظِیْم وَ صَدَقَ رَسُوْلُہُ النَّبِیُّ الْکَرِیْم  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

تَرْجَمَۂ کَنْزُالْعِرْفَان:تم فرماؤ:میں اس پر تم سے کوئی مُعاوَضَہ طلب نہیں کرتا مگر قَرابَت کی محبّت اور جو نیک کام کرے ہم اس کے لیےاس میں اور خوبی بڑھا دیں گے، بیشک  اللہ  بخشنے والا، قدر فرمانے والا ہے۔

ماہِ مُحَرَّمُ شریف کی فضیلت

پیارے اسلامی بھائیو! مُحَرَّمُ شریف جو اِسلامی سال کا پہلا مہینا ہے، اَلْحَمْدُ للہ! شروع ہو چکا ہے، اس مُقَدَّس مہینے کو شَہْرُ  اللہ  (یعنی  اللہ  پاک کا مہینا) بھی کہتے ہیں اور اس کا یہ نام حدیثِ پاک میں ارشاد ہوا ہے، مُسْنَدْ اِمَام اَحْمد میں ہے، ایک مرتبہ ایک شخص بارگاہِ