مُبَارَک اور ظاہِری شکل و صُورت تاجدارِ انبیا، مُحَمَّد مصطفےٰ  صَلَّی اللہُ عَلَیْہِ وَ آلِہٖ وَ سَلَّم  سے بہت ملتی تھی، یہاں تک کہ پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  نے فرمایا: حضرت ابراہیم  عَلَیْہِ السَّلَام  کو دیکھنا ہو تو اپنے صاحِب (یعنی مُحَمَّد مصطفےٰ  صَلَّی اللہُ عَلَیْہِ وَ آلِہٖ وَ سَلَّم ) کو دیکھ لو...!!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو! قرآنِ کریم میں کئی مقامات پر حضرت ابراہیم  عَلَیْہِ السَّلَام  کا ذِکْرِ خیر کیا گیا ہے، آپ کے اَوْصاف و کمالات، آپ کے معجزات، آپ کی اطاعت و فرمانبرداری اور محبّتِ اِلٰہی وغیرہ کے کئی حسین اور خوبصُورت واقعات بھی قرآنِ مجید میں بیان ہوئے ہیں۔ آئیے! آپ کی سیرتِ پاک کے چند واقعات سنتے اور ان سے سبق حاصِل کرتے ہیں:

چار پرندوں کا قرآنی واقعہ

روایت ہے: ایک مرتبہ حضرت ابراہیم  عَلَیْہِ السَّلَام  سمندر کِنارے سے گزر رہے تھے، آپ نے دیکھا کہ ایک لاش پڑی ہے، حالت یہ ہے کہ سمندر کی مچھلیاں بھی اسے نَوچ رہی ہیں اور پرندے بھی اس کا گوشت کھا رہے ہیں۔ یہ دیکھ کر حضرت ابراہیم  عَلَیْہِ السَّلَام  کو ایک حیرت ہوئی۔

ویسے حضرت ابراہیم  عَلَیْہِ السَّلَام  کا ایمان اور یقین کتنا پختہ تھا، اس پر تو کچھ کلام ہو ہی نہیں سکتا، آپ جیسا کامِل ایمان بھلا کسے نصیب ہو گا...؟ یہ صِرْف ایک حیرانی تھی کہ یہ لاش کئی سارے ٹکڑوں میں بٹ گئی ہے، اس کا کچھ گوشت مچھلیوں کے پیٹ میں چلا گیا، کچھ پرندوں کے پیٹ میں چلا گیا، کچھ پانی لگ لگ کر گل گیا،یہ ایک لاش اتنے سارے ٹکڑوں میں بٹ گئی، پِھر قیامت آنے میں ابھی صدیاں باقی ہیں، حیرت کی بات ہے کہ اللہ پاک قیامت کے