د بيان اوريدلو  نيتونه

پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ^([1])

اے د خوږ نبي   صَلَّى اللهُ عَلَيْهِ وَاٰلِهٖ وَسَلَّم       عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه وكړئ: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔

صَلُّوا عَلَی الْحَبِیْب!                                               صَلَّی اللہُ تَعَالٰی عَلٰی مُحَمَّد

د 30 نيکو والا عمل

صحابئ رسول حضرت عمران بن حُصَين رَضِیَ اللہُ تَعَالٰی عَنْہُ فرمائي: يو ځل د نور محفل لګيدلے وو، د الله پاک د ټولو  اخري نبي، مُحَمَّدِ عربي  صَلَّى اللهُ عَلَيْهِ وَاٰلِهٖ وَسَلَّم    تشريف فرما وو، صحابۀ کرام    رَضِیَ اللهُ عَنْہم هم پۀ خدمت کښې حاضر وو، پۀ دې کښې يو کَس راغلو، هغۀ ووئيل: اَلسَّلَامُ عَلَیْکُمْ! خوږ محبوب  صَلَّى اللهُ عَلَيْهِ وَاٰلِهٖ وَسَلَّم    د (جواب د سلام نه پس) وفرمائيل: عَشْرٌ يعنې دۀ د پاره 10 نيکۍ دي۔ لږ وخت پس يو بَل کَس راغلو، هغۀ ووئيل: اَلسَّلَامُ عَلَیْکُمْ وَرَحْمَۃُ اللہِ۔ خوږ محبوب  صَلَّى اللهُ عَلَيْهِ وَاٰلِهٖ وَسَلَّم    وفرمائيل: عِشْرُوْن يعنې دۀ د پاره 20 نيکۍ دي۔ لږ وخت پس يو بل کَس حاضر شو، هغۀ ووئيل: اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہٗ! پۀ دې باندې نبي کريم  صَلَّى اللهُ عَلَيْهِ وَاٰلِهٖ وَسَلَّم    وفرمائيل: ثَلَاثُوْنَ يعنې دۀ د پاره 30 نيکۍ دي۔^([2])

صَلُّوا عَلَی الْحَبِیْب!                  صَلَّی اللہُ تَعَالٰی عَلٰی مُحَمَّد