مُسکے شي او پۀ روڼ تندي ورته سلام وکړئ! اِنْ شَآءَ اللہُ الْکَرِیم! د هغۀ زړۀ به نرم شي۔

لږ غور وکړئ چې مونږ کله د ملاقات پۀ وخت ګډې وَډې جملې وايو، د غير مسلمو نقل کوو، آيا پۀ هٰغه جملو او اندازونو کښې هم داسې اثر شته ۔۔۔؟ نشته۔ اَلْحَمْدُ لِلّٰہ! دا صرف هُم د اِسلامي سلام کمال اثر دے چې څنګه سلام وکړې نو پۀ زړۀ باندې به اثر وکړي او محبت به راپار کړي۔

پۀ معاشره کښې د بے سکونۍ يو سبب

خوږو او محترمو اِسلامي وروڼو! افسوس چې نن صبا پۀ معاشره کښې بد امني او بے سکوني ورځ په ورځ زياتيږي، کور پۀ کور د جنګ ميدان لګيدلے دے * ورور د ورور نه مخ اړوي * اولاد مَعَاذَ الله! د مور پلار سره مخالفت کوي * د چا د ترۀ سره نۀ لګي   * څوک د پلار د طرف نه د ترور نه خفه دے * څوک د مور د طرف نه د ترور نه خفه دے * د چا ماما پۀ سترګو بد لګي * د ګاؤنډيانو پۀ خپل مينځ کښي جګړې دي * هم پۀ يو کور، هم پۀ يوه کوڅه، هم پۀ يوه محله کښې اوسيدونکي پۀ خپل مينځ کښې د نفرتونو او فاصلو ښکار دي۔ تاسو ته معلومه ده چې د دې څۀ وجه ده؟ د دې يوه بنيادي وجه د سلام پۀ سُنَّت باندې عمل نۀ کول هم دي۔

  افسوس چې زمونږه پۀ معاشره کښې سلام ته اهميت نۀ ورکړے کيږي، اول خو خلق سلام هم نۀ کوي * چې کوي يـې نو هغوئي له پۀ صحيح طريقه باندې سلام کول هم نۀ ورځي، څوک سَامَا لَیْکُم وائي، څوک سَلَامَا لَیْکُم وائي، بس چې څومره خُلې هٰغه همره بدل سلامونه دي۔ کاش چې مونږه پۀ صحيح طريقه سلام کول هم زده کړو او سلام عام کوونکي هم جوړ شو۔ * بيا سلام پۀ صحيح طريقه باندې وکړو که پۀ غلطه طريقه باندې، دا يو بيل مصيبت دے، نا اشنا کَس ته يـې نۀ کوو۔ ياد ساتئ چې دا د قيامت پۀ نخښو کښې يوه نخښه ده، آؤ جي! پۀ حديثِ پاک کښې دي: د قيامت د نښو نه دي چې خلق به صرف