سلام عام کړئ!

مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چې کله پۀ تاسو کښې څوک د خپل مسلمان ورور سره ميلاؤ شي نو هغۀ ته دې سلام وکړي، بيا چې پۀ تللو تللو کښې د دواړو پۀ مينځ کښې وَنه، ديوال يا کاڼے راشي (مثلاً پۀ مينځ کښې وَنه راغله، يو د وَنې پۀ يو اړخ باندې تير شو، بَل پۀ بل اړخ باندې، بيا چې د وَنې نه مخکښې لاړل او) بيا ميلاؤ شول نو بيا دې سلام وکړي۔ ^{(^[1])}

خوږو او محترمو اِسلامي وروڼو! دا انداز هم مونږ له اختيارول پکار دي! دا سوچ ډير ځل ليدلے کيږي چې يو ځل پۀ ملاقات کښې چې سلام وکړے شي نو بيا لکه چې د ټولې ورځ د پاره کافي شو، بيا که 100 ځل هم ميلاؤ شي نو خلق سلام نۀ کوي، دا ذهن جوړ وي چې لا اوس سحر خو مو سلام کړے وو۔ دا سوچ ټيک نۀ دے۔ د سلام د عام کولو حکم دے، پۀ ورځ کښې که زر کرته هم ملاقات وشي بلکې هم پۀ کور کښې د يوې کمرې نه بلې کمرې ته لاړ شئ نو سلام کوئ۔ اِنْ شَآءَ اللہُ الْکَرِیم! نيکۍ به هم ميلاؤيږي او يو بَل ته به دعاګانې کول هم نصيب کيږي، څۀ پته لګي چې کوم يو وخت د قبليدو وي چې مونږه د سلامتيا، د رحمت او برکت دُعا وکړو يا واخلو، هٰغه وخت دُعا قبوله شي او زمونږه پۀ دُنيا، قبر، حشر، پل صِراط وغيره هر يو ځائے کښې د سلامتيا دولت نصيب شي۔

کور ته د داخليدو پۀ وخت سلام کوئ!

حضرت اَنَس بن مالِک رَضِیَ اللہُ تَعَالٰی عَنْہُ فرمائي: رسولِ رحمت، شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم ما ته پۀ نصيحت کولو وفرمائيل: زويه! چې کله هم کور ته ځې! نو کور والؤ ته سلام کوه! د دې سره به پۀ تا او ستا پۀ کور والؤ باندې برکتونه وي۔^{(^[2])}

نن سبا د بے برکتۍ شکايت ډير عام دے، پۀ لکونو ګټونکي وائي چې: وروره! نۀ پوره کيږي۔ يعنې امدن کم او خرچې ډيرې دي۔ پۀ رزق کښې برکت نشته۔ ډيره اسانه نسخه ده، که پۀ

[1]... ابو داود، کتاب الادب، باب فی الرجل یفارق...الخ، صفحہ:810، حدیث:5200۔

[2]... ترمذی، کتاب الاستئذان، باب ماجاء فی التسلیم اذا دخل بیتہ، صفحہ:635، حدیث:2698۔

Important

Mobile Apps

Contact Us