سلام عام کړئ!

خوږو او محترمو اِسلامي وروڼو! دا طريقه هم اختيارول پکار ده! دا خپل ذهن جوړ کړئ چې کله هم د چا سره ملاقات کوئ نو پۀ سلام کښې وړومبے والے کوئ ۔ پۀ حديثِ پاک کښې دي: الله پاک ته زيات نزدې هغۀ دے څوک چې پۀ سلام کښې وړومبے والے کوي۔ يو ځل د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ خدمت کښې پوښتنه وشوه: يا رسول الله صَلَّى اللهُ عَلَيْهِ وَاٰلِهٖ وَسَلَّم ! پۀ سلام کښې وړومبے والے چا ته کول پکار دي؟ اوئې فرمائيل: څوک چې د الله پاک قُرب زيات لري۔^{(^[1])}

سُبْحٰنَ اللہ! څومره ښکلے شان دے۔۔۔!! د الله پاک د قرب موندلو ډيره اسانه ذريعه ده: پۀ سلام کښې د وړومبي والي عادت جوړول، الله پاک به تاسو ته خپل قرب عطا کړي۔

پۀ سلام کښې وړومبے والے د عاجزۍ نخښه ده

ذهن ته به دا خبره راځي چې پۀ دومره اسان عمل باندې اَجر څنګه ميلاؤيدے شي۔۔۔؟ پۀ اصل کښې دا اسان عمل نۀ دے، دا ګران کار دے۔ د وړومبي سلام کولو د پاره عاجزي پکار وي، ډير ځل داسې کيږي چې بنده د خپلې اَنَا پۀ وجه دا نيکي نشي کولے * بعضې وخت زړۀ ته خيالونه راځي چې فلانکے کَس زما نه وړوکے دے، هغۀ له پکار دي چې ما ته سلام وکړي * هغۀ خو شاګرد دے، د هغۀ حق دے چې استاذ ته سلام وکړي * فلانکے خو نوکر دے، که زۀ هغۀ ته سلام وکړم نو زما رُعب به کم شي۔ وغيره وغيره خيالونه پۀ زړۀ کښې راپورته کيږي او د دغه خيالونو پۀ وجه خلق پۀ سلام کښې وړومبے والے نۀ کوي۔ ځکه به پۀ سلام کښې وړومبے هم هغۀ کولے شي څوک چې عاجزۍ والا وي او عاجزي هٰغه عمل دے چې پۀ حديثِ پاک کښې ارشاد دے: مَنْ تَوَاضَع َلِلّٰہ ِرَفَعَہٗ اللہُ څوک چې د الله پاک د پاره عاجزي کوي، الله پاک هغۀ ته اوچت والے عطا کوي.^{(^[2])}

[1]...ترمذی، کتاب الاستئذان، باب ماجاء فی فضل الذی یبدا بالسلام، صفحہ:634، حدیث:2694۔

[2]... حلیۃ الاولیا، جلد:7، صفحہ:145، حدیث:9958۔

Important

Mobile Apps

Contact Us