نيکۍ پۀ برکت به الله پاک هغۀ جنَّت ته داخل کړي۔^([1])

سُبْحٰنَ اللہ! دا د يوې نيکۍ قيمت دے، معلومه شوه چې د بنده سره د اِخلاص والا مقبوله صرف يوه نيکي هم وي نو د هغې جزا جنَّت دے۔ د دې نه اندازه ولګوئ چې د 30 نيکو به څومره قدر او قيمت وي۔۔۔؟

يوه بله خبره عرض کوم چي: د جنَّت يوه خخته دومره اعلیٰ ده چې دا ټوله دُنيا او د دې ټول دولت هم راجمع کړے شي نو د جنَّت يوه خخته پرې نشې اخستے، د دومره اعلیٰ جنَّت صرف يوه خخته نۀ بلکې پوره پوره محلونه د يوې نيکۍ پۀ ذريعه حاصليدے شي۔ دا د يوې نيکۍ قدر او قيمت دے، لکه چې يوه نيکي د دې ټولې دُنيا او څۀ چې پۀ دې کښې دي، د دې ټولو نه ډيره قيمتي او د زيات اهميت والا ده۔ قربان شم د داسې اعلیٰ ترين قدر او قيمت والا صرف د يوې نۀ بلکې د 30 نيکو نه کومې چې پۀ اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہٗ! وئيلو سره نصيب کيږي۔

د نيکو حرص کوونکي جوړ شئ!

افسوس چې دلته د نيکو حرص ډير کم دے، خلق ډيره کمه توجه کوي۔ هسې خو ډيرې خبرې کوي، سحر چې د خوب نه راپاڅي نو ژبه يـې چالو شي، هُم د شپې د اوده کيدو پۀ وخت بنده شي * فضول ګپونه * ټوقې ټقالې * پۀ بړق بړق خنداګانې * کنځلې    * غيبتونه * چغليانې او پته نۀ لګي چې کوم کوم فضول او د ګناهونو نه ډک کارونه ټوله ورځ کوي، خو پۀ سلام کولو کښې ورته مشکلات وي، ښه او اخلاقي مسلمانان اَلْحَمْدُ لِلّٰہ! د سلام عادت لري، چې ميلاؤيږي نو سلام به کوي خو پۀ دې کښې هم يوه شميره د داسې خلقو ده کوم چې صرف اَلسَّلَامُ عَلَیْکُمْ وائي، د دې نه مخکښې وَرَحْمَۃُ اللہِ وَبَرَکَاتُہ ورسره نۀ وائي، داسې بغير د څۀ وجې د 20 نيکو نه محرومه پاتې کيږي۔ کاش چې زمونږه د