ښه جواب ورکوئ۔۔۔!!

الله پاک پۀ قرآنِ کريم کښې فرمائي:

وَ اِذَا حُیِّیْتُمْ بِتَحِیَّةٍ فَحَیُّوْا بِاَحْسَنَ مِنْهَاۤ    (پارہ:5، سورۀ نساء:86)

ترجمهٴ کنزُ العِرفان    : او چې کله تاسو ته پۀ کوم لفظ سلام وکړے شي نو تاسو د هغې نه بهتر لفظ باندې جواب ورکړئ۔

يعنې اے مسلمانانو۔۔۔!! چې کله تاسو ته څوک سلام وکړي نو تاسو د هغې نه ښه جواب ورکوئ، که هغوئي ووائي: اَلسَّلَامُ عَلَیْکُمْ نو تاسو وايئ: وَعَلَیْکُمْ السَّلَامُ وَرَحْمَۃُ اللہِ، که هغۀ ووائي: اَلسَّلَامُ عَلَیْکُمْ وَرَحْمَۃُ اللہِ، نو تاسو وايئ: وَعَلَیْکُمْ السَّلَامُ وَرَحْمَۃُ اللہِ وَبَرَکَاتُہٗ! دا ښه جواب دے، يقيناً چې الله پاک به د هر څيز حساب اخلي، هر يو ته به د هغۀ د عمل مطابق جزا او سزا ورکوي، لهذا ستاسو د سلام او جواب اَجر به ضائع کيږي نۀ ۔

د سلام جواب ورکول واجب دي

خوږو او محترمو اِسلامي وروڼو! د دې آيت مبارک نه معلومه شوه چې د سلام جواب ورکول واجب دي،^([1]) نن سبا پۀ دې معامله کښې د سستۍ نه کار اخستے کيږي، ډير خلق د سلام صحيح جواب نۀ ورکوي * صرف سَر خوزوي * پۀ ژبه ورو شان وَعَلَيکُم وائي   * بعضې خلق پۀ سلام اوريدو لاس اوچتوي، پۀ خُله باندې هډو څۀ وائي نۀ * او د بعضې خلقو خو داسې حالت هم دے چې پۀ سلام اوريدو هم څۀ توجه نۀ ورکوي، د جواب پۀ ځائے څۀ بَل څۀ خبرې شروع کړي۔ دا ټول غلط اندازونه دي، دا خبره پۀ ښه طريقه پۀ ذهن کښې کښينوئ چې سلام کول سُنَّت او د دې جواب ورکول واجب دي، که جواب يـې ورنکړو،