اَلْحَمْدُ لِلّٰہ! يو مکمل دِين دے، د دۀ خپل تهذيب  دے، خپل دستور دے، خپل کلتور دے،      اَلْحَمْدُ لِلّٰہ! د اِسلام رنګ د ټولو معاشرو نه جُدا، د ټولو نه ښه او بهترين دے، مونږ له پکار دي چې پۀ هره يوه معامله کښې صرف او صرف پۀ اِسلام باندې عمل وکړو۔ د دۀ تابعداري وکړو۔

د اِسلامي سلام خصوصيت

خوږو او محترمو اِسلامي وروڼو!  اَلْحَمْدُ لِلّٰہ! اِسلامي سلام پۀ دُنيا کښې پۀ رائجو ټول طريقو کښې ښه، ځانګړے او ډير د کمال دے۔ د دې صرف زۀ يو مثال عرض کړم: د جهالت پۀ زمانه کښې به عام طور حیَّاکَ اللہ (الله دې تا ژوندے لري) وئيلے کيدلو۔ دا ښه دُعا ده خو دا هم حقيقت دے چې ژوند بغير د سلامتيا نه عذاب وي، چرته د  بيمار سره ميلاؤ شئ او وګورئ چې هغۀ درته خپل غم بيان کړي، چرته د اسپتال چکر ولګوئ! ژوندي اوسيدونکي پۀ څنګه څنګه مصيبتونو کښې اخته کيږي، ځکه اِسلام مونږ ته وښودل چې د ملاقات پۀ وخت صرف د ژوند دُعا مۀ کوئ! بلکې وايئ: اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہ يعنې پۀ دُنيا، قبر، حشر، پلِ صراط وغيره چرته چرته هم چې تاسو اوسئ، هر وخت، پۀ هره موقع او هر حال کښې د الله پاک سلامتيا، د هغۀ رحمتونه او د هغۀ برکتونه دې پۀ تاسو باندې راوريږي۔

     سُبْحٰنَ اللہ! څومره ښکلې دُعا ده۔۔۔!! خو افسوس چې مونږه خپلو مسلمانانو وروڼو ته د دې دُعا کولو او د دې نه د داسې بے مثاله دُعا اخستو پۀ ځائے، اخوا ديخوا خبرې کوو۔ کاش چې مونږه پوره پوره د اِسلام رنګ واخلو او مونږ د سر نه واخله تر ښپو پورې پوره پوره پۀ اِسلامي تعليماتو باندې عمل وکړو۔

د غير مسلمو د طور طريقو نه بچ اوسئ۔۔۔!!

   پۀ ترمذي شريف کښې روايت دے: د الله پاک د ټولو نه آخري نبي، رسولِ هاشِمي محمدِ عربي  صَلَّى اللهُ عَلَيْهِ وَاٰلِهٖ وَسَلَّم    فرمائيلي دي: څوک چې د غير مسلمو سره مشهابهت اختيار کړي،