نشته۔ خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم    فرمائيلي دي: پۀ تاسو کښې چې کله څوک مجلس ته راشي نو سلام دې کوي۔ بيا چې کله د مجلس نه پاڅي نو هم دې سلام کوي چې وړومبے د دويم نه زيات حق دار نۀ دے۔^([1])

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَۃُ اللہِ تَعَالٰی عَلَیْہِ ليکلي دي: د دې حديثِ پاک نه معلومه شوه چې تيريدونکے دې صرف يو سلام کوي او څوک چې پۀ مجلس کښې څۀ وخت ايسار شي هغۀ دې دوه سلامونه کوي (1): سَلامِ لِقَا یعنې د ملاقات سلام (2): دويم سَلامِ وَدَاع یعنې د رخصتیدلو سلام۔ دا دواړه سلامونه سُنَّت دي (د دواړو جواب ورکول پکار دي)۔^([2])

 دغه شان پۀ يو حديثِ پاک کښې دي: چې کله تاسو کور ته ځئ نو سلام کوئ! چې کله د کور نه ووځئ نو هم سلام کوئ۔۔۔!!^([3])

معلومه شوه چې لکه څنګه د ميلاؤيدو پۀ وخت سلام کول محبتونه زياتوي، هم دغه شان د جُدا کيدو پۀ وخت سلام کول هم محبت زياتوي۔ ځکه د ميلاؤيدو پۀ وخت هم سلام کوئ! او د جُدا کيدو پۀ وخت هم لازمي سلام کوئ!

صَلُّوا عَلَی الْحَبِیْب!                            صَلَّی اللہُ تَعَالٰی عَلٰی مُحَمَّد

سلام افضل ترينه تحفه ده

خوږو او محترمو اِسلامي وروڼو! سلام عام کول جنَّت ته بوتلونکې نيکي ده۔ ځکه مونږ له هم سلام عام کول پکار دي۔ د چا سره چې ملاقات کيږي، هغوئي ته خو سلام خامخا کول پکار دي، د دې نه علاوه څوک چې زمونږ نه لرې دي، د چا سره چې ملاقات نۀ کيږي،